Cenat deputattary keşe qūtqaruşylardyŋ äleumettık märtebesı, jalaqysy men zeinetke şyǧu jasyna qatysty saual joldady. Saualǧa resmi türde jauap qatqan ükımet basşysy Älihan Smaiylov qūtqaruşylardyŋ zeinet jasy tömendeitının mälım ettı, dep habarlaidy "Adyrna" ūlttyq portaly QazAqparatqa sılteme körsete otyryp.
Premer-Ministr resmi mälımdemesınde qūtqaruşylardyŋ äleumettık märtebesın köteruge qatysty mäsele pysyqtalyp jatqanyn söz ettı:
«Qūtqaruşylardyŋ zeinet jasyna kelsek, qazırgı taŋda Tötenşe jaǧdailar ministrlıgı müddelı memlekettık organdarmen bırge qūtqaruşylardy azamattyq qyzmetşıler sanatynan azamattyq qorǧanys sanatyna ötkızu mäselesın pysyqtap jatyr» delıngen jauapta.Onyŋ habarlauynşa, būl qadamdar arqyly qūtqaruşylardyŋ zeinetke şyǧu jasyn erteletıp, şektık jasyn tömendetuge negız bar.
«Atalǧan özgerıs qūtqaruşylardy äleumettık kepıldendıru şaralaryn jetıldıredı. Onyŋ ışınde eŋbek ötılı boiynşa (25 jyl) nemese şektı jasqa (48 jas) jetuıne bailanysty zeinetke şyǧuǧa qūqyq beredı. Sondai-aq, qūqyq qorǧau organy qyzmetkerlerıne berıletın özge de jeŋıldıkter ūsynylady», - dep jazady Premer-Ministr.Sonymen qatar, mälımdemede qūtqaruşylar qyzmetın jandandyru, olardyŋ äleuetın oŋtailandyru maqsatymen tūrǧyn üi tölemderın jüzege asyru täsılderınıŋ oilastyrylyp, qaita talqyǧa tüsıp jatqany da söz bolady.
"Adyrna" ūlttyq portaly
Ūqsas jaŋalyqtar
