Ázerbaıjan prezıdenti Ilham Álıev Hankendı qalasynda eldiń týyn kóterdi, dep habarlaıdy "Adyrna" tilshisi "Azattyq radıosyna" silteme jasap.
Ázerbaıjan basshysy 15 qazanda Taýly Qarabaq aýmaǵyna keldi. Ilham Heıdaruly aımaqtaǵy Sýgovýshan sý qoımasyn paıdalanýǵa berý rásimine qatysty.
Qojaly qalasynda, Shýshın aýdanynyń Malybeıli aýylynda, Kıarkıdjahan jáne Askeran kentterinde bolyp, Hodjala, Agdere jáne Qarabaqtyń basqa eldi mekenderinde Ázerbaıjan týlaryn kóterdi.
Osylaısha, Ázerbaıjan Qarabaqtyń tolyq egemendigin qalpyna keltirdi.
Halyqaralyq quqyq boıynsha Qarabaq Ázerbaıjannyń bir bóligi bolyp sanalady. Aımaq halqy negizinen armıandar bolǵan.
19 qyrkúıekte Ázerbaıjan bir kúndik áskerı operaııanyń nátıjesinde tanylmaǵan Taýly Qarabaq Respýblıkasynyń Úkimetin kapıtýlıaııalaýǵa májbúr etken edi. Al Taýly Qarabaqtyń armıan halqy qýǵyn-súrginnen qorqyp, úılerin jappaı tastap ketti.
BUU baǵalaýy boıynsha, aımaqta birneshe apta ishinde onda turatyn 120 myń armıannyń myńnan astamy qalǵan joq.
Al Ázerbaıjan bıligi turǵyndardy aımaqta qalýǵa shaqyrdy jáne Qarabaqtyń armıan halqyn qaıta biriktirý týraly kelissózder júrgizýge daıyn ekenin málimdedi.
