Almaty oblysynyŋ Boraldai kentınde moped jürgızuşısı jaiau jürgınşıler ötkelımen ötıp bara jatqan zeinetkerdı qaǧyp kettı, dep habarlaidy "Adyrna" tılşısı.
Äleumettık jelıdegı almaty_typical paraqşasynda jariialanǧan beinede jürgızuşı jol-kölık oqiǧasy bolǧan jerden ketıp qalǧany körınedı. Oqiǧa beinebaqylau kamerasyna tüsıp qalǧan. Aldyn ala mälımet boiynşa, jol apaty 20 şılde künı saǧat 16:03 şamasynda Abylai han köşesınde bolǧan. Beinejazbada ekı adam mıngen mopedtıŋ jaiau jürgınşıler ötkelımen ötıp bara jatqan äieldı joǧary jyldamdyqpen qaǧyp ketkenı körınedı. Soqqy saldarynan jaiau jürgınşı, moped jürgızuşısı men jolauşy qyz jolǧa qūlaǧan.
Almaty oblysy polisiia departamentınıŋ mälımetınşe, jol-kölık oqiǧasynan keiın oqiǧa ornyn tastap ketken moped jürgızuşısınıŋ jeke basy jedel anyqtalǧan.
«Jaiau jürgınşını qaǧyp, jol-kölık oqiǧasy bolǧan jerden ketıp qalǧan moped jürgızuşısı anyqtalyp, äkımşılık jauapkerşılıkke tartyldy. Oqiǧa saldarynan jaiau jürgınşı men moped jolauşysy türlı dene jaraqatymen auruhanaǧa jetkızıldı», – dep habarlady polisiia.
