Qazaqstannyń Efıopııadaǵy Elshisi, Afrıka odaǵy janyndaǵy Turaqty Ókili Barlybaı Sadyqov efıopııalyq basylymdardyń jýrnalısteri úshin brıfıng ótkizdi. Bul týraly Qazaqstan Respýblıkasynyń Efıopııadaǵy elshiligi jarııalady, dep habarlaıdy “Adyrna” ulttyq portaly.
Is-sharaǵa Efıopııalyq teleradıokorporaııasynyń, Oromııalyq teleradıokorporaııasynyń ókilderi, jáne Efıopııanyń «Capital» gazetiniń bas redaktory qatysty.
Elshi Efıopııa qoǵamyn Qazaqstan Respýblıkasynyń Prezıdenti Qasym-Jomart Toqaevtyń 2021 jylǵy 1 qyrkúıektegi Qazaqstan halqyna Joldaýynyń negizgi erejeleri týraly habardar etti. Joldaýda Prezıdent árbir Qazaqstan azamatynyń ál-aýqatyn jaqsartý, quqyqtary men bostandyqtaryn nyǵaıtý maqsatynda eldegi ekonomıkalyq, saıası jáne áleýmettik reformalardy odan ári jalǵastyrý qajettiligine basa nazar aýdarǵanyn atap ótildi.
“Brıfıng barysynda Qazaqstannyń qaýipsizdik pen beıbitshilikti nyǵaıtý, ıadrolyq qarýsyzdaný men taratpaý, terrorızmmen kúresý, bitimgershilik, dinaralyq kelisim salasyndaǵy halyqaralyq bastamalary egjeı-tegjeıli talqylandy. Qazaqstan Elshisi ú.j. 6 qazanda Nur-Sultan qalasynda ótken Álemdik jáne dástúrli dinder kóshbasshylary sezi hatshylyǵynyń otyrysy jáne 2022 jyly VII Seziniń ótkizilýi josparlanǵany týraly aıtyp berdi. Aǵymdaǵy jyldyń 12 qazanynda Nur-Sultanda ótken AÓSShK Mınıstrler kezdesýinde aıtylǵan Qazaqstannyń AÓSShK-ge tóraǵalyǵynyń basymdyqtary jýrnalısterge túsindirildi”, - delingen habarlamada.
Sondaı-aq, efıopııalyq jýrnalıster daǵdarystardy eńserýdegi, syrtqy seriktestermen dostyq qarym-qatynasty damytýdaǵy qazaqstandyq tájirıbege, Qazaqstan men Efıopııa arasyndaǵy ekijaqty yntymaqtastyqty damytýdyń perspektıvalaryna joǵary baǵa berdi.
“Adyrna” ulttyq portaly
