Aqtöbede äiel jaŋa tuǧan balasyn kafede qaldyryp ketken. Anasy üş aptalyq säbidı şaihana qyzmetkerıne bırneşe minutqa qarai tūryŋyz dep qaldyryp, qaita oralmaǧan, dep habarlaidy «Adyrna» ūlttyq portaly.
Oqiǧa 29 qyrküiek künı ortalyq bazar aumaǧyndaǧy şaihanada bolǧan.«Oqiǧa ornyna kelgen iuvenaldy polisiia qyzmetkerlerı saǧat 10:00-de 44 jastaǧy şaihana qyzmetkerıne anasy üş aptalyq qyzyn qaldyrǧanyn anyqtady. Ol tanysymnan aqşa alyp kelemın degen syltaumen äielge bırneşe minut balasyna qarai tūruyn ötıngen. Keşke deiın kütkennen keiın äiel polisiiaǧa qoŋyrau şalǧan», – dedı polisiia qyzmetkerlerı.Atalǧan oqiǧadan soŋ, balany bölımge jetkızıp, jedel järdem brigadasyn şaqyrǧan. Därıgerlerdıŋ aituynşa, säbidıŋ jaǧdaiy tūraqty. Polisiia inspektory balanyŋ jörgegın auystyryp, süt qospasymen tamaqtandyryp, säbiler üiıne jetkızgen. Qazırgı uaqytta balany tastap ketken äieldı ızdestıru boiynşa jedel ıs-şaralar jürgızılıp jatyr.
«Adyrna» ūlttyq portaly
Ūqsas jaŋalyqtar
