Aqmola oblysy, Arbuzinka auyly ırgesındegı Sarqyrama özenı tasyp, joldy şaiyp kettı. Saldarynan ekı jüzge juyq tūrǧyn syrtqa şyǧa almai, o dünielık bolǧandardy aqtyq saparǧa qaiyqpen attandyruǧa mäjbür, dep habarlaidy "Adyrna" ūlttyq portaly KTK telearnasyna sılteme jasap.
Aqmola oblysynda Sarqyrama özenı arnasynan asyp, auyldy "qyspaqqa aldy". Tūrǧyndardyŋ kün közın körıp, syrtqa şyǧuynyŋ özı mūŋǧa ainalǧandai. Tıptı, ömırden ozǧan jaqyndaryn auyl ziratyna qarai qaiyqpen attandyryp, qyzyl sudyŋ sabasyna tüskenın kütıp jür.
KTK telearnasynyŋ jazuynşa, auyldaǧylar mäiıttı arǧy bette qalǧan ziratqa jetkızu üşın eskektı qaiyqqa salyp jıbergenımen, köpşılıgı syrtta janyn şüberekke tüiumen bolady. Öitkenı qalt-qūlt etken eskı qaiyqtyŋ özı qyryq jamau. Sarqyrama özenı janai ötetın Arbuzinka auylynyŋ tūrǧyndary jyl saiyn, köktemde, köretın künımız osy dep otyr. Bır aptadan berı 30 oquşy da körşı auyldaǧy mektepke jete almaǧan. Mūnda medisina punktı de joq. Sandyqtau audanynyŋ şendılerı qoldan keler qairan joq, 200 metrge jetetın köpır saluǧa kemınde 1 jarym milliard teŋge qajet deidı. Sondyqtan, kün jylynyp, su aǧyp ketkenın kütkennen basqa amal joq.
Audandaǧy tötenşe jaǧdailar bölımınıŋ basşysy būǧan qatysty mynandai pıkır bıldırdı:
“Arbuzinka auyly biık jerde tūrǧandyqtan, üilerge su kırgen joq. Sarqyrama özenındegı mūz erıgen kezde jylda osyndai jaǧdai oryn alady. Tūrǧyndar azyq-tülıkpen qamtamasyz etılgen. Qazır su deŋgeiı aqyryn tömendep keledı. Soŋǧy täulıkte aǧyn su 20 santimetrge tüstı. Qajet jaǧdaida qaiyqpen tasymaldaimyz”, – dedı Sandyqtau audany TJB bastyǧy Äset Janǧojin.
"Adyrna" ūlttyq portaly
Ūqsas jaŋalyqtar
