Aqmola oblysynyń ákimdigi Shortandyda gaz ballonynyń jarylýynan zardap shekken otbasylarǵa 30 mıllıon teńge bóldi, - dep habarlaıdy “Adyrna” ulttyq portaly "Habar 24" saıtyna silteme jasap.
Ákimdikten bólingen qarajat páter satyp alýǵa arnalǵan. Sondaı-aq zardap shekkenderge kómek kórsetý maqsatynda qaıyrymdylyq akııasy uıymdastyryldy.
"Bul úıde 3 páter boldy, bári jaramsyz bolyp qaldy. Turǵyndarymyzdy tez arada kóshirdik. Aýdandyq kólemde tótenshe jaǵdaı jarııalandy. Búgin páter satyp alýǵa 30 mıllıon teńge bóldik. Biz kórsetken kómekten basqa, búgin meshitimizdiń bazasynda qaıyrymdylyq esepshoty ashyldy, qazirdiń ózinde 13 mıllıon teńgeden asa aqsha jınaldy. Bul qarajat emdelýge de, zardap shekken otbasylarǵa kómek kórsetýge de jumsalady", - dedi Aqmola oblysynyń ákimi Ermek Marjyqpaev.
Buǵan deıin 16 qarashada Aqmola oblysy Shortandy kenti Lıneınaıa kóshesinde gaz ballony jarylǵany habarlanǵan bolatyn. Jarylystan 3 adam qaza taýyp, 10 adam aýrýhanaǵa jatqyzylǵan edi.
21 qarashada jarylystan zardap shekken 13 jastaǵy jasóspirim aýrýhanada kóz jumǵan, al 23 qarashada 10 jastaǵy qyz jansaqtaýda qaıtys bolǵan edi.
“Adyrna” ulttyq portaly
