Almaty oblysynda týrıster mingen avtobýs jol apatyna ushyrap, saldarynan bir adam qaza tapty. Bul týraly oblystyq polıııa departamentiniń bastyǵy Baýyrjan Álenov aıtty, dep habarlaıdy «Adyrna» tilshisi.
Qaıǵyly oqıǵa 5 qazan kúni bolǵan.
«Kegen aýdany Saty aýyldyq okrýgi aýmaǵynda «Qaıyńdy-Saty» taýly avtojolynyń 9-shaqyrymynda 47 jastaǵy avtobýs júrgizýshisi qarsy qozǵalys jolaǵyna shyǵyp, 1997 jylǵy júrgizýshi aıdap kele jatqan «ÝAZ» avtokóligimen soqtyǵysqan.
Atalǵan derekti Kegen aýdandyq polıııa bólimi QR Qylmystyq kodeksiniń 345-babynyń 3-bólimi boıynsha tirkedi. Jol apaty saldarynan 36 jastaǵy jolaýshy oqıǵa ornynda qaza tapty. Sonymen qatar, túrli dene jaraqattarymen aýrýhanaǵa 6 adam jetkizildi»,—dep túsindirdi Baýyrjan Álenov.
Qazirgi ýaqytta osy jol-kólik oqıǵasynyń barlyq mán-jaılaryn obektıvti zertteýge baǵyttalǵan saraptama taǵaıyndaýmen qajetti tergeý áreketteri júrgizilýde. Avtobýs júrgizýshisi Kegen aýdany polıııa departamenti ýaqytsha ustaý ızolıatoryna qamaqqa alyndy.
