Qytaıdyń Hanchjoý qalasynda ótip jatqan HIH jazǵy Azııa oıyndarynda djıý-djıtsý sheberi Nurjan Batyrbekov Qazaqstan quramasynyń qorjynyna jetinshi altyn medaldi saldy, dep habarlaıdy “Adyrna” ulttyq portaly.
69 kelige deıingi salmaqta óner kórsetken otandasymyz fınalda BAÁ kelgen qarsylasy Muhammed ál-Sývaıdıdi 4:2 esebimen jeńdi. Bul Azııa oıyndarynda Qazaqstan quramasynyń jetinshi altyn medali.
Odan bólek, karateden 75 kg salmaq dárejesinde qarsylasy ıordanııalyq Hasan Masarvehti 8.0 esebimen jeńgen Nurqanat Ájiqanov qorjynǵa segizinshi medaldi saldy.
Eki sportshyny da týrızm jáne sport mınıstri Ermek Marjyqpaev quttyqtap, tabys tiledi.
