Atbasardaǵy kolonııada soqqyǵa jyǵylǵan belsendi Tımýr Dánebaev Astanaǵa aýystyryldy

1173
Adyrna.kz Telegram
foto: ashyq derekkóz
foto: ashyq derekkóz

Belsendi Tımýr Dánebaev ózi ýaqytsha qamaýda otyrǵan Kókshetaýdaǵy ýaqytsha ustaý ızolıatorynan Astananyń tergeý ızolıatoryna aýystyryldy. Bul týraly Ishki ister mınıstrliginiń Qylmystyq-atqarý júıesi komıteti Azattyq radıosynyń saýalyna bergen jaýabynda habarlady, dep jazady "Adyrna".

Dánebaev 30 qyrkúıekte Astanadaǵy №64 mekemege tergeý ızolıatoryna jetkizildi.

3 qyrkúıekte áleýmettik jelilerde Aqmola oblysyndaǵy kolonııa qyzmetkerleriniń sottalǵan belsendi Tımýr Dánebaev pen basqa da tutqyndardy uryp-soqqany beınelengen vıdeo taraı bastady. Taratylyp jatqan vıdeoda kolonııa qyzmetkerleri belsendige onyń «qarsylyq kórsetip», «kúndelikti tártip pen qamaý rejımin saqtaýdan» bas tartyp otyrǵanyn aıtady. Sondaı-aq olar Dánebaevtan jýynatyn bólmeni tazalaýdy talap etedi, oǵan ol tek uıyqtaıtyn bólmeni jýýǵa daıynmyn dep jaýap beredi. Vıdeoda kolonııa qyzmetkeri eki ret «arnaıy quraldardy qoldanyńyz» degen pármen berip, sodan keıin Dánebaevty uryp-soǵady.

Qyrkúıektiń 4-i kúni Qylmystyq-atqarý júıesi komıteti «áleýmettik jelide jarııalanǵan vıdeoǵa» qatysty qyzmettik tekseris júrgizilip jatqanyn, óıtkeni «qyzmetkerlerdiń qyzmettik babyn asyra paıdalaný belgileri bar» dep málimdedi.

Qyrkúıektiń 8-i kúni Qylmystyq atqarý júıesi komıtetiniń tóraǵasy Janat Eshmaǵambetov Atbasardaǵy kolonııanyń tutqyndardy uryp-soǵýǵa qatysy bar toǵyz qyzmetkeri jumystan bosatylǵanyn, al taǵy ekeýi eńbek demalysynan kelgen soń jumystan shyǵarylatynyn habarlady. Kolonııa bastyǵy men onyń orynbasary, oblystyq QAJ departamenti bastyǵynyń orynbasary da qyzmetterinen bosatyldy. Oblystyq qylmystyq-atqarý júıesiniń basshysyn da jumysynan shyǵarý usynyldy.

Maýsym aıynda Astananyń Almaty aýdandyq No2 soty Tımýr Dánebaevty ultaralyq arazdyqty qozdyrý baby boıynsha úsh jylǵa bas bostandyǵynan aıyrdy.

Belsendi Tımýr Dánebaev prezıdent Qasym-Jomart Toqaevty 2022 jylǵy qańtar oqıǵasy kezindegi «20 myń lańkes» týraly málimdemesi úshin jaýapqa tartýdy talap etkenimen tanymal boldy.

Pikirler