Türkiia ışkı ıster ministrlıgınıŋ Ankaradaǧy bas qauıpsızdık basqarmasynyŋ qaqpasynyŋ aldynda ekı laŋkes jarylys jasady, dep habarlaidy "Adyrna" tılşısı Anadoly agenttıgıne sılteme jasap.
Būl aqparatty Türkiianyŋ ışkı ıster ministrı Ali Ierlikaia rastady.
Ankara ortalyǧyndaǧy Türkiia Işkı ıster ministrlıgı ǧimaratynyŋ janynda jarylys boldy. Oqiǧa ornyna prezidenttıŋ küzet qyzmetınıŋ qyzmetşılerı kelıp jetken.
Jarylys jergılıktı uaqyt boiynşa taŋǧy saǧat 09:30-da boldy. Polisiianyŋ ekı qyzmetkerı jeŋıl jaraqat alǧan.
"Jeŋıl kommersiialyq kölık mıngen ekı laŋkes ışkı ıster ministrlıgınıŋ bas qauıpsızdık basqarmasyna kıretın qaqpaǧa kelıp, jarylys ūiymdastyrǧan. Bıreuı özın-özı jaryp jıberdı. Ekınşı laŋkestıŋ közı joiyldy. Atys kezınde ekı qyzmetkerımız jeŋıl jaraqat aldy", - dep jazdy Ierlikaia äleumettık jelıdegı paraqşasynda.
Sol maŋda qozǧalysty şekteu maqsatynda kölık joldary jabyldy. Jarylys Türkiia astanasynyŋ şalǧai jatqan audandarynda da estılgen bolyp şyqty.
Ūqsas jaŋalyqtar
