Aqtaý mańyndaǵy ushaq apatynyń qurbandaryna arnap qazaq tilinde án shyǵaryldy, dep habarlaıdy “Adyrna” ulttyq portaly QazTAG-qa siltep.
«Bir uıanyń egizimiz
Ortaq aıdyn teńizimiz
Birimizge eń jyp-jyly
Lebizimiz
Birimizdi izdeýmenenNe bar birge biz kórmegen?!
Qýanysh pen qaıǵym ortaq
Sizdermenen
Bir kem dúnıe!
Qınalsa da meıli janym-aı
Úmit keler sholpan tań», – delingen ánniń mátininde.
«Teńiz-júrek» áni qazaq jáne ázerbaıjan tilderinde shyrqalǵan. Al buǵan deıin apatqa arnap, ázerbaıjan jáne orys tilderinde ózge án shyqty.
Qazaq tildi ánniń mýzykasyn Renat Gaısın jazǵan, sózin Danııar Aldabergen men Elmıra Dehganı jazǵan.
Eske sala keteıik, Aqtaý áýejaıy mańynda Azerbaijan Airlines kompanııasynyń jolaýshylar ushaǵy apatqa ushyrady. Baký–Groznyı baǵyty boıynsha ushqan ushaqtyń apatqa ushyraý sebebi aldyn ala ataldy.
AZAL avıakompanııasy Aqtaý mańynda apatqa ushyraǵan ushaqtyń jolaýshylar tizimin jarııalady. 287 adam jáne 65 tehnıka jumys istep jatyr. Jańartylǵan málimet boıynsha, 29 adam zardap shekti. Ushaqta aman qalǵandar tiziminde Qazaqstan azamattary joq.
