Brıtandyq jáne ırlandııalyq akter Maıkl Gembon 82 jasynda qaıtys boldy, dep habarlaıdy “Adyrna” ulttyq portaly.
Ol Herrı Potter fılmderindegi professor Albýs Dambldor rólimen tanymal.
Gembon tórt ret (1987, 2000, 2001, 2002) úzdik er adam róli úshin BAFTA TV syılyǵymen marapattaldy jáne Emmı syılyǵyna (2002), Altyn globýs syılyǵyna (2003) usynyldy. Herrı Potter fılmderinde professor Albýs Dambldor rólin somdaǵan.
Maıkl Gembon 1940 jyly 19 qazanda Irlandııada dúnıege kelgen. Onyń teatrdaǵy debıýti 1962 jyly Dýblındegi «Geıt» teatrynda ótti - ol Ýılıam Shekspırdiń «Otello» qoıylymynda epızodtyq keıipkerdi somdady. Keıin ony brıtandyq teatr rejısseri Lorens Olıve baıqap, Koroldik ulttyq teatrǵa shaqyrady.
1967 jyly Gembon Bırmıngem teatryna tájirıbe jınaqtaýǵa bardy, ol alǵash ret «Otello», «Makbet» jáne «Korıolanýs» fılmderindegi basty rólderdi somdaıdy. 90-jyldary akter Brodveı teatrynda Devıd Hareniń «Skaılaıt» pesasynyń qoıylymynda basty róldi somdap, debıýt jasady. 2015 jyldyń basynda Gembon este saqtaýdaǵy qıyndyqtarǵa baılanysty teatrlyq mansabynan ketetinin jarııalady.
