Äleumettık jelıde almatylyq jıgıttıŋ kinoteatrǧa barǧannan keiın qaitys bolǧany turaly aqparat tarady. Aldyn ala mälımetke säikes, ol popkornǧa qaqalǧan, dep habarlaidy "Adyrna".
Qaiǧyly oqiǧa turaly aqparat Telegram arnalardyŋ bırınde paida boldy. Onda 17 mamyr künı jıgıttıŋ synyptasymen bırge kinoteatrǧa barǧany turaly aitylǧan.
"Seans bastalar aldynda jıgıt popkorn satyp alǧan. Tuystarynyŋ aituynşa, jıgıt därethanada qūsqan. Osydan keiın ol özın jaqsy sezınetının aityp, tanysymen bırge kinozalǧa kırgen. Alaida bıraz uaqyttan soŋ tamaǧy jybyrlap tūrǧanyn jäne özın naşar sezıne bastaǧanyn aitqan. Keiın "jüregım qysylyp tūr" dep, tanysyna syrt kiımın bergennen keiın esınen tanyp qalǧan. Oqiǧa kuägerlerı därıgerler kelgenge deiın alǧaşqy kömek körsetuge tyrysqanymen, ony aman alyp qalu mümkın bolmady", – delıngen habarlamada.
Almaty qalasy Polisiia departamentınıŋ baspasöz qyzmetı atalǧan derek boiynşa tüsınık berdı.
"Bostandyq audandyq polisiia basqarmasyna qarasty polisiia bölımı atalǧan faktı boiynşa tergeu jürgızıp jatyr. Oqiǧanyŋ män-jaiy anyqtaluda. Tekseru qorytyndysy boiynşa Qazaqstan Respublikasynyŋ qoldanystaǧy zaŋnamasyna säikes prosessualdyq şeşım qabyldanady", – dep habarlady jergılıktı polisiia.
