Densaulyq saqtau ministrı Ajar Ǧiniiat 21 jasqa deiıngı azamattarǧa energetikalyq susyn satuǧa tyiym salynuy mümkın ekenın aittty, - dep habarlaidy "Adyrna" ūlttyq portalynyŋ tılşısı.
“Qazırgı taŋda mäjılıste densaulyq saqtau salasyna bailanysty zaŋ qaralyp jatyr. Sol zaŋnyŋ şeŋberınde 21 jasqa deiıngı azamattarǧa, balalarǧa energetikalyq susyn satpau turaly norma qarastyrylyp jatyr. Bız Densaulyq saqtau ministrlıgı tarapynan būl normany qoldap otyrmyz. Öitkenı būl balalar men jastardyŋ densaulyǧyna tıkelei bailanysty dünie”, - dedı ministr.Keiınnen ministr hanymǧa "21 jasqa deiıngı jastarǧa ziian susyndar odan jasy ülken azamattarǧa da paidaly emes. Ministrlık energetikalyq susyndarǧa nege mülde tyiym salmaidy?" degen saual tastadyq.
“Şektep, ışnara ışetın bolsa, energetikalyq susyndardyŋ densaulyqqa ziiany joq. Bıraq balalardyŋ 9 paiyzdan astamy är türlı tättı susyndardy künde ışedı eken. Būl semızdıkke, qant diabetı, jürek qan tamyrlary aurularyna äkelıp soǧady. Balalar mölşerın bılmei, öz densaulyǧyna jauap bere almaidy. Al eresek azamattar öz densaulyǧyna özı jauap beruı kerek. Sondyqtan jappai tyiym salu dūrys emes dep sanaimyn”, - dedı Ajar Ǧiniiat.Äleumettık jelıde gorilla susynyn ışıp, auyr nauqasqa şaldyqqan azamattardyŋ videosy şyǧady. Jurnalistıŋ “Būl aqparatqa senuge bola ma?” degen sūraǧyna ministr naqty jauap bermedı.
"Adyrna" ūlttyq portaly
Ūqsas jaŋalyqtar
