Polıııa jýrnalıst Dýman Muhametkárimdi qamaýǵa aldy

2416
Adyrna.kz Telegram

Jýrnalıst Dýman Muhametkárim Almatyda kezekten tys parlament saılaýynyń nátıjesimen kelispeıtinin málimdegen soń 25 kúnge qamaýǵa alyndy. Bul týraly onyń advokaty Ǵalym Nurpeıisov Facebook paraqshasynda jazdy, dep habarlaıdy “Adyrna” ulttyq portaly.

Onyń aıtýynsha, Muhametkárim beıbit jıyndardy uıymdastyrý jáne ótkizý tártibin buzdy degen aıyppen ustalǵan. Muhametkárimniń qamaýǵa alynǵany týraly aqparatty onyń jaqtastary – jýrnalıst Dınara Egeýbaeva men belsendi Álnur Ilıashev rastady.

Al polıııa Májilis depýtattyǵyna táýelsiz kandıdat Dýman Muhametkárimdi azamattardy «zańsyz áreketke» shaqyrdy dep aıyptaýda. 

«D.Muhamedkárimge qatysty QR ÁQBtK-niń 488-babynyń 12-bóliginde (Qazaqstan Respýblıkasynyń beıbit jınalystardy uıymdastyrý jáne ótkizý tártibi týraly zańnamasyn buzý) kózdelgen quqyq buzýshylyqty jasaý týraly hattama toltyryldy. Óıtkeni ol bir jyl ishinde osyndaı quqyq buzýshylyqty qaıta jasaǵan. Qonaev qalalyq sotynyń aǵymdaǵy jyldyń 21 naýryzyndaǵy qaýlysymen D.Muhamedkárim QR ÁQBtK-niń joǵaryda kórsetilgen baby boıynsha zańsyz áreketti uıymdastyrýǵa shaqyrǵany úshin qamaýǵa alý túrindegi ákimshilik jaýapkershilikke tartyldy», delingen Almaty oblysy polıııasynyń habarlamasynda.

20 naýryzda Dýman Muhametkárim Facebook jelisinde jazba jarııalap, 21 naýryz kúni tústen keıin alańǵa shyǵatynyn málimdep, ózgelerdi de oǵan qosylýǵa shaqyrdy.

Aıta keteıik, Qańtardyń 30-y kúni YouTube-tegi «Ne deıdi» arnasynyń avtory, qańtar oqıǵasyn belsendi jarııalaǵan jýrnalıst Dýman Muhametkárim Májilistegi saılaý dodasynan shettetildi.

Pikirler