Almatyda Saıran kóliniń mańynan taǵy bir qarý-jaraq qoımasy tabyldy. Bul týraly polisia.kz jarııalady, dep habarlaıdy “Adyrna” ulttyq portaly.
«Qarý» respýblıkalyq jedel-profılaktıkalyq is-sharasyn ótkizý barysynda Almaty qalasy boıynsha LA-155/13 DÝI mekemesiniń jedel tobynyń qyzmetkerleri Almaly aýdany ÓB janyndaǵy OP qyzmetkerlerimen birge Varlamov kóshesi, Saıran kóline qaraı, batys baǵytta, qurǵaq butaqtardyń astyndaǵy butalardyń arasynan qarý-jaraq pen oq-dárilerdiń qoımasy tabyldy. Anyqtalǵan orynnan 12-kalıbrli eki tegis uńǵyly ańshy myltyǵy, PM gaz tapanshasy, sondaı-aq oqtar tabyldy», – dep habarlady Almaty qalasy boıynsha LA 155/13 DÝIS mekemesiniń anyqtaýshysy Rahat Nurbekov.
Aldyn ala málimet boıynsha, tabylǵan qarýlar bıylǵy jyldyń qańtaryndaǵy tártipsizdikter kezinde urlanǵan. Onyń naqty kim ekeni saraptamadan keıin anyqtalady. Atalǵan fakti boıynsha QR Qylmystyq kodeksiniń 287-baby 2-bóligi boıynsha sotqa deıingi tergeý amaldary bastaldy.
”Adyrna” ulttyq portaly
