Qostanaı oblysy Rýdnyı qalasynda mas er adam sport alańynda jasóspirimderge shabýyl jasady. Bul týraly Qostanaı oblysynyń Polıııa departamenti málimdedi, dep habarlaıdy “Adyrna” ulttyq portaly.
Málimet boıynsha, 10 qyrkúıek kúni 13 jastaǵy jasóspirimder fýtbol oınap júrgende, oıyn alańyna mas er adam kirip ketken. Shyǵyp ketpek bolǵan balalardy mas qala turǵyny qýyp jetip, tizesi men jaq tusynan soqqy bergen. Balanyń mıy shaıqalyp, aýrýhanaǵa jetkizildi. Qazir bala dáriger baqylaýynda.
Rýdnyı qalasynyń polıııasynda QR QK 293-baby "Buzaqylyq" boıynsha sotqa deıingi tergeý bastaldy. Baptyń maksımaldy sankııasy eki jylǵa bas bostandyǵynan aıyrýdy kózdeıdi. Kámeletke tolmaǵan balany urǵan er adam medıınalyq aıyqtyrǵyshqa ornatylyp, qamaýǵa alyndy. Jasóspirim aýrýhanaǵa jatqyzyldy. Tergeý sheńberinde saraptamalar taǵaıyndaldy jáne qajetti tergeý áreketteri júrgizilýde. Qazirgi ýaqytta balanyń densaýlyǵyna qaýip tónip turǵan joq, delingen habarlamada.
