QR IIM Ulttyq ulan quramasynyń sarbazdary bir kúnde joǵalǵan balany taýyp, er adamdy esirtkimen ustady.
2024 jylǵy 1 qyrkúıekte Ulttyq ulan áskerı jasaǵy elordanyń "Almaty" aýdanynda qoǵamdyq tártipti qorǵaý boıynsha jaýyngerlik qyzmet atqarý kezinde esirtki zatyn tapty.
Sarbazdar jerden elektrlik taspamen oralǵan oramany alýǵa talpynǵan kúdikti azamatty baıqady.
Áskerı jasaq bastyǵy qatardaǵy jaýynger Nurtaı Aıtbaı jáne patrýldeýshi sarbazdar Sanat Turǵymbaev pen Máýlet Janymhan bul týraly baılanys quraldary arqyly dereý kezekshige baıandaıdy.
— Er adam bizdi kórgende, onyń minez-qulqy birden ózgerip, áreketi kúdik týdyrdy. Biz tekserý úshin odan qujattaryn usynýyn suradyq. Syrttaı tekserý kezinde polıeıler azamattan qara tústi, erekshe ıisi bar untaq paketin tapty. Tártip saqshylary mán-jaıdy odan ári naqtylaý úshin oramany tárkiledi, - deıdi qatardaǵy jaýynger Nurtaı Aıtbaı.
Ustalǵan azamat odan ári polıııa bólimine jetkizildi.
Osy kúni saǵat 21:30 shamasynda taǵy bir oqıǵa oryn aldy. Kelesi bir áskerı jasaq bastyǵy qatardaǵy Nurbaq Qalabek jáne onyń qaramaǵyndaǵy patrýlshiler Almas Bekseıit pen Beksultan Esennen 6 jasar balasyn taýyp berýlerin ótinip, azamatsha kómek suraıdy.
Áskerı jasaq birden balanyń boljamdy málimetterin patrýldik top bastyǵyna habarlaıdy. Sodan keıin ulandyqtar jaqyn mańdaǵy patrýldik baǵyttarda shuǵyl izdeý sharalaryn uıymdastyrady.
Áskerı qyzmetshilerdiń jedel jáne úılesimdi áreketteriniń nátıjesinde joǵalǵan bala tabylyp, anasyna qaıtaryldy. Azamatsha óz kezeginde Ulttyq ulan jaýyngerlerine izdeýdi jedel uıymdastyrǵany jáne kásibı kómekteri úshin alǵys aıtty.
