Qyzylorda qalasynyŋ tūrǧyny qyzynyŋ närestesın satuǧa äreket jasaǧan, dep habarlaidy "Adyrna" tılşısı Qazaqparatqa sılteme jasap.
Jaǧa ūstatarlyq būl oqiǧa äleumettık jelıde jariialandy. Qyzylordalyq äiel kämelettık jasqa tolmaǧan qyzynyŋ ömırge alyp kelgen närestesın satpaq bolǧan. Jasöspırım qyz kafelerdıŋ bırınde daiaşy bolyp jūmys ıstep jürgen.
Qyzylorda oblystyq polisiia departamentı atalǧan oqiǧanyŋ şyn mänınde oryn alǧanyn rastap otyr.
"Osy jyldyŋ 7 qyrküiegınde tırkelgen derek boiynşa Qylmystyq kodekstıŋ 135-babynyŋ 1-bölıgımen (kämeletke tolmaǧandar saudasy deregı boiynşa) qylmystyq ıs tırkelıp, tergep-tekseru jürgızılude. Qylmystyq-prosestık kodeksınıŋ 201-babynyŋ talaptaryna säikes, tergeu derekterın jariia etuge jol berılmeidı", - dep jazylǧan departament habarlamasynda.
Kämelet jasyna jetpegen jasöspırımnıŋ jüktılıgı boiynşa oblystyq bılım basqarmasy da tüsınıkteme berıp, jaǧdaidyŋ baqylauǧa alynǧanyn aitty.
"Oqiǧa tırkelgen uaqyttan bastap bılım bölımınıŋ qamqorşylyq qorǧanşylyq funksiiasyn jüzege asyratyn organ mamandary baqylauǧa aldy. Oǧan qatysty tiıstı şaralar atqaryldy. Bügıngı taŋda säbi kämeletke tolmaǧan anasynyŋ qolynda ekendıgın jetkızemız", - dedı oblystyq bılım basqarmasynyŋ baspasöz qyzmetı.
Ūqsas jaŋalyqtar
