2023 jylǧy 8 qyrküiekte Otbasy künı qarsaŋynda «Mereilı otbasy» ūlttyq konkursy laureattaryn H mereitoilyq saltanatty marapattau räsımı öttı.
Jyl saiyn ötkızu igı dästürge ainalǧan ülgılı otbasylar baiqauy – elımızde janūia qūndylyqtarynyŋ rölın arttyryp, otbasy men nekenıŋ oŋ imidjın därıpteitın auqymdy da maŋyzdy oqiǧalardyŋ bırı. Konkursqa 10 jyl ışınde Qazaqstannyŋ barlyq öŋırınen 20 myŋnan astam otbasy qatysty.
Qazaqstan Respublikasy Mädeniet jäne aqparat ministrı, Prezident janyndaǧy Äielder ısterı jäne otbasylyq-demografiialyq saiasat jönındegı ūlttyq komissiianyŋ töraǧasy Aida Balaeva saltanatty şaranyŋ aşylu barysynda baiqau jeŋımpazdaryna Memleket basşysynyŋ qūttyqtauyn oqydy.
«Mereilı otbasy» baiqauynyŋ jeŋımpazdaryn şyn jürekten qūttyqtaimyn! Būl - töl qūndylyqtarymyzdy därıptep, ūlttyŋ jaŋa sapasyn qalyptastyruǧa jol aşatyn maŋyzdy joba. Är aimaqtary önegelı otbasylardyŋ baiqauǧa belsene qatysuynan elımızde bereke-bırlıgı jarasqan qūtty şaŋyraq ielerı az emes ekenıne köz jetkızdık. Olardyŋ arasynda belgılı bır mamandyqty ata kasıpke ainaldyrǧan azamattardyŋ köp boluy - quantarlyq jait. Osyndai ülgılı äuletter qoǧamda ūrpaqtar sabaqtastyǧyn saqtauǧa yqpal etedı. Halqymyzda «Ūiada ne körseŋ, ūşqanda sony ılersıŋ» degen jaqsy söz bar. Otanşyldyq, bılımpazdyq, eŋbekqorlyq, ünemşıldık, janaşyrlyq, ädıldık siiaqty «Adal azamatqa» tän qasietter, eŋ aldymen, otbasynda qalyptasady. Ädılettı Qazaqstandy osyndai jandar qūrady. Memleket otbasy institutyn damytuǧa, ana men balany qorǧau mäselesıne ärdaiym airyqşa nazar audarady. Osy baǧytta auqymdy ıster atqarylyp jatyr. Būl jūmys aldaǧy uaqytta da jalǧasyn tabady. Är şaŋyraqtyŋ yrysy artyp, mereiı tasi bersın! Barşaŋyzga zor densaulyq, baq-bereke tıleimın!»—delıngen Prezident habarlamasynda.Biyl Konkursqa 3 344 otbasy qatysty. Olardyŋ 40% qalalyq jäne 60% auyldyq otbasylar. Türlı käsıp pen eŋbek äuletterınen qūralǧan 20 otbasy – öŋır jeŋımpazdary atandy. Olardyŋ qatarynda ūstazdar, qolönerşıler, metallurgter, äskeri qyzmetşıler, käsıpkerler, agroönerkäsıp salasynyŋ mamandary bar. Otbasynyŋ ärbır müşesı – auyldastarynyŋ, qala tūrǧyndarynyŋ, ärıptesterınıŋ, körşı-qolaŋnyŋ qūrmetıne bölengen, Otanyna adal qyzmet etıp jürgen eŋbek adamy, auyldyŋ, qalanyŋ qarapaiym eŋbekkerlerı. Marapattau räsımıne Memlekettık organdardyŋ ökılderı, Parlament Senaty men Mäjılısınıŋ deputattary, Qazaqstan Respublikasy Prezidentınıŋ janyndaǧy Äielder ısterı jäne otbasylyq-demografiialyq saiasat jönındegı ūlttyq komissiianyŋ müşelerı qatysty. Laureat otbasylar diplomdarmen jäne estelık syilyqtarmen marapattaldy. Marapattau räsımı qazaq estrada jūldyzdarynyŋ qatysuymen ötken merekelık konsertpen jalǧasty.
Ūqsas jaŋalyqtar
