«Qūzyrettılık ortalyǧynda» «Mereilı otbasy – 2026» ūlttyq baiqauynyŋ oblystyq kezeŋın qorytyndylauǧa arnalǧan saltanatty şara öttı. Oǧan oblys äkımı Mūrat Ergeşbaev, oblystyq mäslihat töraǧasy Mūrat Tleumbetov, ziialy qauym ökılderı men qoǧamdyq ūiymdardyŋ belsendılerı qatysty.
Aimaq basşysy otbasy – qoǧamnyŋ altyn dıŋgegı, ūlttyŋ ruhani tıregı ekenın atap ötıp, qatysuşylarǧa rizaşylyǧyn bıldırdı.
«Barşaŋyzdy otbasy qūndylyǧyn ūlyqtap, şaŋyraqtyŋ şyraiyn, ūrpaq tärbiesınıŋ önegesın därıpteitın «Mereilı otbasy» ūlttyq baiqauynyŋ oblystyq kezeŋınıŋ qorytyndysymen şyn jürekten qūttyqtaimyn!
Jyl saiyn är aimaqtan önegelı otbasylar baiqauǧa belsene qatysyp, qūrmetke ie bolyp keledı. Biyl qala, audandardan 220 otbasy qatysyp, 16 otbasy üzdık dep tanyldy. Osyndai ülgılı äuletter ūrpaq sabaqtastyǧyn saqtap, qūndylyqtardy nasihattauǧa negız qalaidy.
Prezidentımız Qasym Jomart Kemelūly: «Otbasy instituty eŋbekqorlyq, bılımpazdyq, tılektestık syndy «Adal azamatqa» tän qasietterdı qoǧamda jan-jaqty därıpteu arqyly ūlttyŋ jaŋa sapasyn qalyptastyruǧa ölşeusız üles qosady», - dep atap öttı.
Halyqtyq Konstitusiiamyzda otbasy men ūrpaq tärbiesınıŋ qoǧam ömırındegı orny aiqyn körınıs tapqan. Sondyqtan otbasynyŋ märtebesın köteru, ata-ananyŋ bala tärbiesındegı jauapkerşılıgın arttyru, balalardyŋ qūqyqtary men müddelerın qorǧau – barşamyzǧa ortaq mındet.
Şaŋyraqtyŋ berıktıgın saqtap, syilastyq pen meiırımdılıktı ömırınıŋ özegıne ainaldyrǧan barşa otbasylarǧa şynaiy rizaşylyǧymdy bıldıremın. Ärbır şaŋyraqqa baiandy baqyt, amandyq pen baq-bereke tıleimın!», - dedı Mūrat Nälqojaūly.
«Mereilı otbasy» ūlttyq konkursy oblystyq kezeŋınıŋ jeŋımpazy Qūtmambetovter otbasy bolyp (Aral audany), bas jüldenı ielendı.
Şielılık Bäkırovter otbasyna I oryn, qazalylyq Doshojaevtar otbasyna II oryn, qyzylordalyq Bimūratovtar otbasyna III oryn berıldı.
Mūnan bölek, «Ūlaǧatty otbasy» nominasiiasy Jūmaǧalievter otbasyna (Aral audany), «Berekelı otbasy» nominasiiasy Şahmaranovtar otbasyna (Qazaly audany), «Bäiterek otbasy» nominasiiasy Tortaevtar otbasyna (Qarmaqşy audany), «Kemel otbasy» nominasiiasy Qiiasovtar otbasyna (Qarmaqşy audany), «Jıgerlı otbasy» nominasiiasy Tülekovter otbasyna (Jalaǧaş audany), «Yntymaqty otbasy» nominasiiasy Ahmetovter otbasyna (Jalaǧaş audany), «Eŋbekqor otbasy» nominasiiasy Bisenovter otbasyna (Syrdariia audany), «Önegelı otbasy» nominasiiasy Būrhanovtar otbasyna (Syrdariia audany), «Mäuelı otbasy» nominasiiasy Äbışovter otbasyna (Şielı audany), «Ülgılı otbasy» nominasiiasy Aqylbekovter otbasyna (Jaŋaqorǧan audany), «Önerlı otbasy» nominasiiasy Äuelbekovter otbasyna (Jaŋaqorǧan audany), «Şuaqty otbasy» nominasiiasy Bodanovtar otbasyna (Qyzylorda qalasy) tabystaldy.
Jeŋımpazdar syilyqtar jäne qarjylai sertifikattarmen marapattaldy. Şara soŋy merekelık baǧdarlamaǧa ūlasty.
Öŋırde är otbasynyŋ äleumettık tūraqtylyǧyn qamtamasyz etuge erekşe män berılude. Bügınde oblysta 17 500-ge juyq köpbalaly otbasy memleket tarapynan tūraqty qoldauǧa ie.
Soŋǧy tört jylda tūrǧyn üi kezegındegı azamattarǧa 8 myŋǧa juyq päter kıltı berılıp, 30 myŋnan asa jerlesımız baspanaly boldy. 2026-2027 jyldary 6200-den astam päter el igılıgıne tabystalyp, 25 myŋǧa juyq tūrǧynnyŋ baspana mäselesın şeşu josparlanuda.
Otbasy qūndylyǧyn därıpteu, ūrpaq tärbiesıne erekşe män beru baǧytynda «Anaǧa taǧzym», «Otbasy ortalyǧy» jüielı jūmys jürgızedı. Audandardaǧy «Ruhaniiat ortalyqtary» jas otbasylarǧa qoldau körsetıp, maŋyzdy bastamalardy jüzege asyryp keledı.
