Qaraǧandy oblysynda «Mereilı otbasy – 2026» ūlttyq baiqauynyŋ öŋırlık kezeŋı öz märesıne jetıp, üzdıkterı anyqtaldy.
Biyl öŋırdıŋ qalalary men audandarynan 100-den astam otbasy baiqaudyŋ ırıkteu kezeŋıne qatysyp, özderınıŋ önegelı ömır jolyn, berık otbasylyq dästürlerın, tolaiym jetıstıkterı men qoǧamdyq bastamalaryn köpşılık nazaryna ūsyndy. Solardyŋ arasynan oblystyq kezeŋge 26 otbasy joldama aldy.
Baiqaudyŋ Bas jüldesı Qaraǧandy qalasynan qatysqan Kernebaevtar otbasyna būiyrdy. Olar otbasy müşelerınıŋ arasyndaǧy berık syilastyq pen özara qoldaudy, ūrpaqtar sabaqtastyǧyn, belsendı azamattyq ūstanymdy jäne ūlttyq ärı otbasylyq qūndylyqtarǧa degen qūrmettı ömır saltyna ainaldyrǧan janūia retınde tanyldy. Endı Kernebaevtar otbasy respublikalyq kezeŋde Qaraǧandy oblysynyŋ namysyn qorǧaidy.
Bırınşı oryndy Nūra audanynan kelgen Pışenbaevtar otbasy ielendı.
Ekınşı oryn Osakarov audanyn tanystyrǧan Piata otbasyna berıldı.
Al üşınşı oryn Qarqaraly audanynan qatysqan Beisenaevtar otbasyna būiyrdy.
Baiqau qorytyndysyn şyǧaru barysynda qazylar alqasy otbasylyq dästürlerdıŋ saqtaluy men sabaqtastyǧyna, ūrpaq tärbiesıne, qoǧamdyq belsendılıkke, balalarǧa körsetıletın tälım-tärbiege, sondai-aq otbasynyŋ ūlttyq qūndylyqtardy därıpteu men damytuǧa qosqan ülesıne basa nazar audardy.
«Mereilı otbasy» – jyl saiyn önegelı otbasylardyŋ basyn qosyp, olardyŋ ömır joly arqyly syilastyq, meiırım, jauapkerşılık pen bırlıktıŋ qadırın därıpteitın taǧylymdy baiqau.
Onyŋ basty mänı – keiıngı ūrpaqqa ülgı bolarlyq otbasylyq qūndylyqtar men dästürlerdı keŋınen nasihattap, jaqsy täjıribenı ūrpaqtan-ūrpaqqa jetkızuge jol aşu.
