"Adyrna" ūlttyq portalynda"Qazyǧūrttyqtar qyzmetten 4 jyl būryn ketken "Elbasy joldauyn" Jaidarman arqyly oquşylarǧa nasihattamaq" degen taqyryppen material jariialanǧan edı. Sol syni maqalaǧa Qazyǧūrt audanynyŋ ışkı saiasat bölımı jauap berıp, qatelık jıbergen memlekettık qyzmetkerge sögıs jariialaǧanyn mälımdedı, - dep habarlaidy "Adyrna" ūlttyq portaly.
Qazyǧūrt audanynyŋ Işkı saiasat bölımı 2023 jyldyŋ 30 mamyry künı qūny 4 500 000 teŋge bolatyn "Elbasy joldauyn" nasihattauǧa baǧyttalǧan tender jariialaǧan. Tılşımız qazyǧūrttyqtar Elbasynyŋ joldauyn bylai qoiyp, Elbasy statusynyŋ da bırjola alynyp tastalǧanyn ūmytyp ketkenın, tört lottan tūratyn tenderdıŋ bırınıŋ ǧana jeŋımpazy anyqtalyp, jobany jüzege asyru ısı jergılıktı ardagerler ūiymyna berılgenın anyqtaǧan edı.
"Adyrnanyŋ" būl synyna qatysty audandyq ışkı saiasat bölımınıŋ bergen jauabynda: "Şılde aiynda memlekettık, äleumettık tapsyrys boiynşa satyp aluǧa jariialanǧan taqyrypta qatelıkke jol berılgen. Osy oraida bölım qyzmetkerlerımen jinalys ötkızılıp, aǧymdaǧy jyldyŋ mausym aiynda kelgen mamannyŋ jıbergen kemşılıgı ekendıgı anyqtaldy. Jinalys qortyndysymen bölımnıŋ jauapty mamanyna «sögıs» türınde tärtıptık şara körıldı" delıngen.
Tılşımız atalǧan materialda Qazyǧūrttyŋ ışkı saiasat bölımı "Prezident joldauyn qoldau, memlekettık tıl tūǧyrymyz" taqyrybynda mektep oquşylary arasynda «Jaidarman» oiynyn ötkızudı de josparlap otyrǧanyn, osylai joldaudy mektep oquşylaryna nasihattamaq nietterı bar ekenın de jazǧan edı.
Resmi jauapta Işkı saiasat bölımı joldau turaly eşteŋe aitpaǧan. Tek, "Audandyq «Jastar resurstyq ortalyǧy» jäne «Jas turister stansiiasy» mekemelerımen bırlesıp, mektep oquşylary arasynda «Jaidarman» nūsqasy aiasynda oquşylardyŋ oi-ūşqyrlyǧy, memlekettık tıldıŋ qūndylyǧyn nasihattau jäne öz önerlerın körsetu maqsatynda ūiymdastyrylatyn ıs-şara bolyp tabylady" degen.
"Adyrna" ūlttyq portaly
Ūqsas jaŋalyqtar
