«Batyl toıtarys-2023». Toqaev Qazaqstan áskeriniń "kúrdeli kezeńdegi" syn-qaterge daıyndyǵyn tekserdi

1189
Adyrna.kz Telegram

Memleket basshysy Qasym-Jomart Toqaev «Batyl toıtarys-2023» strategııalyq komandalyq-shtabtyq áskerı oqý-jattyǵý jıynyna bardy. Jıynda Qazaqstan áskeriniń áleýetin tamashalap, jaýyngerlermen jolyqty, dep habarlaıdy "Adyrna" ulttyq portaly "Aqordaǵa" silteme kórsete otyryp.

Prezıdent - Qarýly kúshterdiń joǵarǵy bas qolbasshysy Qasym-Jomart Toqaevtyń basshylyǵymen «Jaǵalaý» oqý-jattyǵý polıgonynda «Batyl toıtarys-2023» strategııalyq, áskerı oqý-jattyǵý jıyny ótti.

Qasym-Jomart Toqaev oqý-jattyǵý jıynyna bastan-aıaq baqylaý munarasynan kóz tikti.

Áskerı ádis-tásilder jaıly memleket basshysyna general-maıorlar Bolat Jorabaev pen Almaz Jumakeev baıandady. Sonymen qatar, qorǵanys operaııasy, desanttyq shabýyl áskerleriniń áreketin tápsirledi.

Desanttyq-shabýyldaý áskerleriniń brıgadalyq-taktıkalyq toptary avıaııanyń qoldaýdy, sondaı-aq qurlyq áskerleri jáne arnaýly operaııalar kúshteriniń bólimshelerimen birlesip, sýdan ótý arqyly qarsy jaǵalaýdaǵy jaý shebin basyp alý joldaryn kórsetti.

Al arnaýly operaııalar kúshteri men Ulttyq ulan bólimsheleri shartty jaý qolyna ótken Qapshaǵaı GES-in azat etti. Tótenshe jaǵdaılar mınıstrliginiń bólimsheleri tehnogendik apat saldaryn joıýmen aınalysyp, halyqqa gýmanıtarlyq kómek kórsetý mindetin atqardy.

Qarýly kúshterdiń bas shtaby ázirlegen biryńǵaı jospar men maqsatqa sáıkes áskerler oqý-jattyǵý jıyny ótetin aýdandarǵa strategııalyq turǵyda qaıta toptastyryldy.

Atap aıtqanda, áskerı-teńiz kúshteri avıaııanyń jáne arnaýly operaııalar kúshteriniń qoldaýymen Kaspıı teńizi akvatorııasyndaǵy ekonomıkalyq qyzmet nysandarynyń qaýipsizdigin qamtamasyz etti.

Prezıdent bul oqý-jattyǵý jıyndary kúrdeli geosaıası kezeńde ótkizilip otyrǵanyna nazar aýdardy.

Búginde álemdik qorǵanys júıesinde aýqymdy ózgerister bolyp jatyr. Qazirgi urystardyń ádis-tásilderi de basqa, ásirese, gıbrıdtik soǵys túrleri keń taralýda. Shabýyldar áskerı ǵana emes, aqparattyq, psıhologııalyq, saıası, ekonomıkalyq jáne basqa da sıpat alýy múmkin. Sondyqtan Qazaqstan armııasy kez kelgen syn-qaterge daıyn bolýy qajet. Bul – zamanaýı ári kásibı áskerge qoıylatyn basty talap. Bizdiń bir ǵana Otanymyz bar. Ol – Qazaqstan. Elimizdi, jerimizdi, azamattarymyzdyń qaýipsizdigin qamtamasyz etý, olardy qorǵaý – barshamyzǵa ortaq qasıetti paryz! – dedi Qasym-Jomart Toqaev.

Almaty, Qaraǵandy, Soltústik Qazaqstan jáne Abaı oblystaryndaǵy polıgondarda da osyndaı oqý-jaýyngerlik mindetter oryndalǵany habarlandy.

"Adyrna" ulttyq portaly 

Pikirler