Redakııamyzǵa áskerı boryshyn óteý barysynda kóz jumyp, ómirden qyrshyn ketken jas sarbaz Qalbaı Álibek Salamatulynyń jaqyndarynan hat kelip tústi.
Hattyń saryny tómendegideı:
"Mańǵystaý oblysy, Aqshuqyr aýylynan bolamyn. Men áskerı boryshyn óteýge ketip, 4 kúnnen keıin qaıtys bolǵan Qalbaı Álibektiń jeńgesimin. Qazir sotty toqtatyp, qaıtadan tergeý úshin prokaratýraǵa joldaǵanbyz. Biraq ádildikke jetý degen óte qıyn eken. Balamyzdyń denesiniń 18 jerinde gematoma boldy."
Hat avtory sot isiniń qyzmetine ýáj aıtady. Qylmystyń tolyq ashylmaı, tergeýdiń júrdim-bardym júrgizilgenine shaǵymdanady. Shaǵym QR Prezıdenti Q-J. Toqaevtyń atyna jazylǵan.
"Qurmetti Qazaqstan Respýblıkasynyń Prezıdenti Qasymjomart Kemeluly Toqaev!
Bıylǵy jyldyń 22 sáýirinde Jambyl oblysy, Gvardeısk qalashyǵy, 30212 áskerı bólimshesinde jas sarbaz Qalbaı Álibek Salamatulynyń Otanyna qyzmet etýge ketip, tórt kúnnen keıin belgisiz sebeptermen sapta turǵan jerinen qaıtys bolý oqıǵasy oryn aldy. Atalǵan oqıǵa boıynsha sol áskerı bóliminiń jas sarbazy A.Amanjýlovqa qatysty QR QK-synyń 440 baby 2 tarmaǵymen qylmystyq is qozǵaldy.
Qazirgi kezde A.Amanjýlov qamaýda.
Gvardeıskıı qalashyǵyndaǵy sotqa deıingi áskerı tergeý bólimi basshysy M.B.Djanaevyń basshylyǵymen tergeý toby qurylyp, qylmystyq is eki aıdan astam ýaqyt ótkennen soń Almaty qalasy boıynsha áskerı sotynyń óndirisine tústi.
Áskerı Prokýratýra tarapynana joǵaryda kórsetilgen bappen A.Amanjýlovqa qatysty aıyp taǵylyp, sot tergeýi de bastaldy. Sot tergeýinde 174 kýágerdiń 46-cynan jaýap alyndy. Onyń ishinde sol áskerı bólimniń komandırleri, serjanttar, áskerı bólim dárigeri, meıirbıke, jas sarbazdar suraldy. Jaýap alynǵan kýágerdiń túgeli desek artyq aıtylmaǵany bolar, jalǵyz kúdikti Kýrochkınniń Amajýlov urdy dep kórsetken jaýaptary negizin tappady.
Qylmystyq is ústirtin júrgizilgen. Prokýratýra tarapynan qandaı da bir áskerı bólim komandırlerlerimen, serjanttarynyń is-árketterin jasyrý maqsatynda bolsa kerek, múldem is obektıvti qaralmaǵan. Jaýap alý hattamalarynda ketken kemshilikter shash etekten. Qylmystyq is boıynsha qaıtys bolǵan jas sarbaz A.Qalbaıdy uryp soqty degen jerine qatysty oqıǵa ornynan «sıtýaıonnyı» qaraý jasalǵan. Ol jerde bala-baqsha balasyn aldaǵandaı jasandy is-áreketter kórinip turdy.
Sot otrysyna shaqyrtylǵan áskeri shendilermen, jas sarbazdar jáne kýáger V.Kýrochkın jaýaptarynda birneshe qarama-qaıshylyqtar oryn aldy. Áskerı 30212 áskerı bóliminiń 220 dana «beınetaspalarynyń» jumys istemeıtindigi anyqtaldy.
Sot tergeýinde jaýap alynǵan Mańǵystaý oblysy boıynsha saraptama Instıtýtynyń «ızgýmaııa» jasaǵan komıssııa sarapshylary A.Ahmetovpen A.Amırshın, gıstolog A.Berdıbekova ózderi tarapynan jasaǵan saraptama qorytyndylaryn rastady. Alaıda, máıitke alǵashqy bolyp saraptama jasaǵan Jambyl oblysy boıynsha saraptama Instıtýtynyń sarapshysy A.Kım ózi bergen qorytyndyǵa tolyqtaı jaýap bere almaı, saraptama qorytyndysyn jartylaı qýattady.
Sot tergeýinde jaýap alynǵan serjant sostavy ózderiniń eshnárseden habarsyz ekendirin aıtyp, oqıǵa bolǵan kúni tapjylmaı jumys oryndarynda bolǵandaryn dáleldeýge tyrysty. Alaıda, qorǵaý tarapy oǵan syn kózben qarady.
21.04.2022 jyly keshke sarbazdar uıqyǵa jatqannan keıin tańǵy saǵat 5.00 shamasyna deıin marqum A.Qalbaıdyń taıaq jegenin joqqa shyǵarýǵa bola ma?
22.04.2022 jyly tańǵy sapta turyp qulaǵan marqum A.Qalbaıdyń denesinen sarapshylar 18 túrli jaraqattyń baryn joqqa shyǵarmady. "Sonda jalǵyz sarbaz A.Amanjýlovtyń urǵan 6.7 soqqysynan adam óldi me?" degen suraqqa osy kúnge deıin mardymdy jaýap ala almadyq.
Jábirlenýshi taraptyń atynan M.Djavgashev atyna ótinish-hattar joldandy. Ol jerdegi jábirlenýshi taraptyń maqsaty istiń aq-qarasyn anyqtaýdy jáne ádil qaraýdy suraǵan bolatyn. Alaıda, oǵan nazar aýdarǵan basshylyq joq.
Gvardeıskıı bólimi tergeý tarapy basshysy T.Djaıkov áskerı bólimshesinde jas sarbaz ólimi bolyp jatqanda erkin eńbek demalysyna ketkeni azdaı, ishimdikke sylqııa toıyp alyp, tergeýge tartylyp, jaýap alynyp jatqan sarbazdarǵa qoqań loqy kórsetip, kelgenderine bes kún bolǵan sarbazdarǵa qylmysty moıyndańdar dep balaǵattaǵany sot tergeýinde Amanjýlovqa usynǵan fototablıada tanyldy.
Qazaqstan Respýblıkasy Konstıtýııasynyń 3 baby,1,2 tarmaǵy boıynsha memlekettik bıliktiń birden-bir bastaýy - halyq delingen.
Qazaqstan Respýblıkasy ózin demokratııalyq, zaıyrly, quqyqtyq jáne áleýmettik memleket retinde ornyqtyrdy, onyń eń qymbat qazynasy – adam jáne adamnyń ómiri, quqyqtary men bostandyqtary. Eshkimdi azaptaýǵa, oǵan zorlyq-zombylyq jasaýǵa, basqadaı qatygezdik nemese adamdyq qadir-qasıetin qorlaıtyndaı jábir kórsetýge ne jazalaýǵa bolmaıdy delingen.
Kýlmagambetovter otbasyna, týystarymen ata-anasyna qyrshyn, 18 jasqa endi tolǵan azamat jigit bolǵan balasynyń Jambyl oblysy Gvardeıskıı qalashyǵy Otar eldi mekeninde 30212 áskerı bólimshesine óz Otanyn qorǵaımyn dep kelgen jerinen bas aıaǵy tórt kún ishinde belgisiz jumbaq jaǵdaıda qaıtys boldy degen sýyq habar búkil eldi beı-jaı qaldyrmady.
Bul jas sarbaz Qalbaıdyń ólimi nege tórt kún ishinde boldy? Oǵan kináliler kim? Kináliler bolsa, nege tergeý tarapynan jazaǵa tartylmady, sonda jazasyn óteýge aýyr qylmysty bir sarbyzdyń arqalap ketýine ne sebep degen myńdaǵan suraqqa jaýap alý múmkin bolmady.
30212 áskerı bólimshe basshylarynyń nemquraıly bolǵandyqtarynan sarbaz ólimi bolyp otyrǵan joqpa? Almaty garnızony áskerı sotynyń óndirisinde QR QK-synyń 440 baby 4 bóligimen qaralyp jatqan A.Amanjýlovqa qatysty qylmystyq isin Jambyl oblysy boıynsha Áskerı Prokýratýrasyna qaıtaryldy. Alaıda Prokýratýra sot sheshimimen kelispeı apellıaııalyq shaǵym túsirdi.
09.11.2022 jyly Astana qalasy boıynsha Joǵarǵy sotynda qaralǵan apellıaııalyq shaǵym ózgerssiz qaldyrylyp, qylmystyq is qaıta tergeýge Gvardeıskıı kalashyǵy tergeýine kaıta kaıtaryldy.
Qurmetti Prezıdent!
Osy jas sarbazdyń ólimine qatysy bar áskerı shendilerdi jaýapqa tartyp, isti obektıvti túrde qarap ádil sheshim shyǵarý úshin yqpal etýińizdi suraımyz!Jábirlenýshi Kýlmagambetov Salamat
"Adyrna" ulttyq portaly
