Almatyda tūratyn Belarus azamaty Tatiana Mezina ūltaralyq arazdyqty qozdyrǧany üşın 2 jylǧa bas bostandyǧynan aiyryldy, dep habarlaidy "Adyrna" ūlttyq portaly.
Medeu audandyq qylmystyq ıster jönındegı soty 38 jastaǧy Tatiana Mezinaǧa qatysty ükım şyǧardy. Oǧan Qylmystyq kodekstıŋ 174-baby boiynşa aiyp taǧylǧan.
Is materialdaryna säikes, ol ukrainalyq bloger “Xan VASYL” esımdı qoldanuşymen “Chat-Ruletkada” söilesu barysynda tılge jäne aumaqtyq tūtastyqqa qatysty ūltaralyq arazdyqty qozdyratyn pıkırler aitqan.
"Qazaqstannyŋ Reseige qaita oralǧanyn, Reseidıŋ qaramaǧyna ötkenın qalaisyz ba?" degen sūraqqa aiyptaluşy “İä, dınımdı auystyramyn, Belarustı de alsyn, bärın alsyn, bır el bolaiyq. Qazaqstan Resei bolsyn”, – dep jauap bergen.
Sondai-aq Resei äskerı Qazaqstanǧa kelse, quana qarsy alatynyn jäne solardyŋ jaǧyna ötetının aşyq aitqan.
Sudia Zalina Maharadze sottaluşynyŋ kınäsın moiyndauyn jäne ökınuın eskerıp, oǧan eŋ tömengı jaza – 2 jyl bas bostandyǧynan aiyru turaly ükım şyǧardy. Aita keteiık, būl bap boiynşa eŋ auyr jaza 7 jylǧa deiın bas bostandyǧynan aiyrudy közdeidı.
Ūqsas jaŋalyqtar
