Prezident Qasym-Jomart Toqaev pen QHR Töraǧasy Si Szinpin jürgızgen kelıssöz nätijesınde 24 ükımetaralyq jäne vedomstvoaralyq qūjatqa qol qoiyldy. Būl turaly Aqorda jazdy, dep habarlaidy "Adyrna".
Toqaev Qazaqstan men Qytai arasyndaǧy ekıjaqty qarym-qatynas jyldan jylǧa nyǧaiyp, jaŋa "altyn kezeŋge" qadam basqanyn mälımdedı. Dostyq bailanys ekı eldıŋ tūraqty äleumettık-ekonomikalyq damuyna jäne halyqtardyŋ äl-auqatyn jaqsartuǧa zor septıgın tigızıp jatqanyna nazar audardy. Sondai-aq prezident QHR töraǧasynyŋ elımızge sapary onyŋ tuǧan künımen tūspa-tūs kelgenın aityp, Si Szinpindı tuǧan künımen qūttyqtady.
Prezident Qytaidy Qazaqstannyŋ tatu körşısı jäne uaqyt tezınen ötken senımdı strategiialyq serıktesı dep atady.
“Qytai Qazaqstanmen aradaǧy yntymaqtastyǧynda qandai da bır saiasi şart qoimaǧan. Bızdıŋ egemendıgımız ben qauıpsızdıgımızge körsetken qoldauyŋyzdy baǧalaimyz. Qytaidyŋ beibıtşılık bastamalaryn qoldaimyz. Elıŋızdıŋ ädıl älemdık tärtıp ornatu äreketterın quattaimyz”, – dedı Toqaev.
Qasym-Jomart Toqaev ekı eldıŋ BŪŪ, ŞYŪ, AÖSŞK sekıldı halyqaralyq jäne öŋırlık ūiymdar aiasynda, sondai-aq BRİKS + jäne "Ortalyq Aziia – Qytai" formatynda joǧary deŋgeidegı yqpaldastyq ornatqanyn atap öttı.
Memleket basşysy QHR-dyŋ Qazaqstannyŋ eŋ ırı sauda-ekonomikalyq serıktesı ekenın eske saldy. Byltyrǧy qorytyndy boiynşa ekıjaqty sauda-sattyq kölemı 44 milliard dollarǧa jetken. Būl – rekordtyq körsetkış. Sonymen qatar 2025 jyl "Qazaqstandaǧy Qytai turizmınıŋ jyly" bolyp jariialandy.
Toqaev atom energetikasy salasyna arnaiy toqtaldy.
“Bız Qazaqstanda bırneşe, tym bolmaǧanda ekı-üş AES salu turaly şeşım qabyldadyq. Osy maŋyzdy jobaǧa ırı kompaniialardy tartuǧa qatysty jūmys jürgızılıp jatyr. Qazaqstan Respublikasynyŋ Atom energiiasy jönındegı agenttıgı qūryldy. AES qūrylysy boiynşa Qytaidyŋ CNNC kompaniiasyn senımdı strategiialyq serıktes retınde qarastyryp otyrǧanymyzdy erekşe atap ötkım keledı. Älemge äigılı kompaniia bızdıŋ naryqta öz ornyn tabatyny anyq. Sonymen qatar Qazaqstan Qytaiǧa tabiǧi uran men iadrolyq otyn jetkızıp otyrǧan senımdı el”, – dedı prezident.
Si Szinpin qazaq jerınde körsetılgen syi-qūrmet üşın Toqaevqa rizaşylyǧyn bıldırdı. Ol Qazaqstan ūlttyq jaŋǧyru jolyna tüskenın, el damuynda tyŋ tabystarǧa qol jetkızıp kele jatqanyn atap öttı.
“Tatu körşı ärı strategiialyq serıktes retınde bız sızderdıŋ jetıstıkterıŋızge täntımız. Qytai men Qazaqstannyŋ qarym-qatynasy qūbylmaly älemnıŋ synyna tötep berıp, qarqyndy damyp keledı. Būl – tek geografiialyq tūrǧydan jaqyndyqtyŋ, ǧasyrlarǧa ūlasqan dostyqtyŋ arqasy ǧana emes, elderımızdıŋ örkendeu jolyndaǧy tabiǧi sūranysy. Soŋǧy jyldary bırlesken küş-jıgerdıŋ nätijesınde taǧdyry ortaq Qytai men Qazaqstan arasyndaǧy yqpaldastyq jaŋa män-mazmūnmen tolyǧyp jatyr. Bırqatar äleumettık maŋyzy bar jobalardyŋ jüzege asyryluy qos halyqqa aitarlyqtai paida äkeldı”, – dedı QHR töraǧasy.
Prezident Qasym-Jomart Toqaev pen QHR töraǧasy Si Szinpin jürgızgen kelıssöz nätijesınde 24 ükımetaralyq jäne vedomstvoaralyq qūjatqa qol qoiyldy
Ekı el delegasiiasynyŋ müşelerı energetika, aeroǧaryş, sifrlandyru, keden, auyl şaruaşylyǧy, elektrondy sauda, turizm, ziiatkerlık menşık, medisina, media, ǧylym, öŋıraralyq bailanys salalaryndaǧy yntymaqtastyqty qamtityn qūjattarmen almasty.
Olardyŋ ışınde investisiialardy kötermeleu jäne özara qorǧau, tehnikalyq-ekonomikalyq yntymaqtastyq turaly ükımetaralyq kelısımder bar.
