Astananyŋ qylmystyq ıster jönındegı mamandandyrylǧan audanaralyq sotynda Kaspi Bank filialynda adamdardy kepılge alu ısı qaraldy, dep habarlaidy, "Adyrna" ūlttyq portaly zakon.kz-ke sılteme körsete otyryp.
Sot ürdısın qylmystyq ıster jönındegı audanaralyq sotynyŋ sudiasy Äbinūr Qarabaev jürgızedı. Aiyptau mänın Astana qalasy prokuraturasynyŋ aǧa prokurory Aqşuraeva tūjyrymdady.
Tergeu derekterı boiynşa, sottaluşy Mūradov därı qoldanu arqyly öz-özıne qol jūmsauǧa şeşım qabyldaǧan. Esırtkıden qajettı nätije almaǧan ol banktı basyp alu josparyn oilap tapqan. Prokuraturanyŋ habarlauynşa, Muradov mūqtaj adamdarǧa aqşa talap etpek bolǧan, sodan keiın ony qamauǧa alu kezınde tärtıp saqşylary atyp öltırudı josparlaǧan.
Muradov jarylǧyş qūrylǧyny qoldan jasaǧan (ottyq pen temekı şegetın qūraldan). Sonymen qatar syilyq dükenınen jeŋıl qaru satyp alǧan. Atalmyş qūraldarmen bank bölımşesıne şabuyl jasap, qyzmetkerlerdı kepılge alǧan.
- Osylaişa, Mūradov Qazaqstan Respublikasy Qylmystyq kodeksınıŋ 261-babynyŋ 2-bölıgınıŋ 4, 8, 9-tarmaqtarynda (kepılge alu) közdelgen äreketterdı jasaǧan", - dep atap öttı prokuror Aqşuraeva.Sottaluşy öz kınäsın moiyndady, bıraq kepılge alu kezınde esırtkı qoldanbaǧanyn aitty. Sot jäbırlenuşıler men kuägerlerden jauap aluǧa kırıstı. 18 mausymda Kaspi Bank elordalyq bölımşelerınıŋ bırınde qaruly adam adamdardy kepılge aldy. Belgılı bolǧandai, basqynşy Jambyl oblysynda düniege kelgen 1993 jylǧy Älihan Mūradov atty er adam Ol Astananyŋ qaq ortasynda ornalasqan Kaspi bankınıŋ filialyna basyp kırgen. 7 adamdy qamauǧa alyp, banktegı barlyq qarajatty kedei-kepşık pen mügedekterge taratyp berudı talap etken. Atalǧan faktı boiynşa Qylmystyq kodekstıŋ 261-baby 2-bölıgınıŋ 4 jäne 8-tarmaqtary boiynşa (kepılge alu) sotqa deiıngı tergeu bastaldy. Keibır mälımetterge qaraǧanda, 2013 jyldan berı basqynşy narkologiialyq dispanserde esepte tūrady. Qylmystyq ıster boiynşa ekı ret sottalǧan. Eske salaiyq, būǧan deiın Astanada qarulanǧan er adam bankterdıŋ bırınde keluşılerdı kepıldıkke alǧanyn habarladyq. Ol 7 adamdy kepılge alyp, talaby oryndalmasa, üş saǧattan keiın bırınşısın öltıretının eskertken.
"Adyrna" ūlttyq portaly
Ūqsas jaŋalyqtar
