Kaspi.kz QR sifrlyq damu, innovasiialar jäne aeroǧaryş önerkäsıbı ministrlıgımen bırlesıp jaŋa jobany ıske qosty. Qazaqstandyqtar endı qoǧamdyq oryndarǧa baru üşın Ashyq qyzmetın Kaspi.kz qosymşasynda paidalana alady.
Kaspi.kz basşysy Mihail Lomtadze būl turaly bylai dedı: «Bız eldegı eŋ tanymal super-qosymşa Kaspi.kz-ke innovasiialyq qyzmetterdı tūraqty türde qosyp otyramyz. Bügın bız barlyq qazaqstandyqtarǧa sport klubtaryna, basseinderge, kafeler men basqa da qoǧamdyq oryndarǧa baruǧa mümkındık beretın Ashyq qyzmetın Kaspi.kz qosymşasyna qosamyz. Bız memleketpen serıktestıkte süiıktı klientterımızge pandemiia kezınde belsendı ömır süruge, al qazaqstandyq bizneske qauıpsızdık şarttaryn saqtai otyryp jūmys ısteuge kömekteskenımızge quanyştymyz». Baǧdat Musin, sifrlyq damu, innovasiialar jäne aeroǧaryş önerkäsıbı ministrı: «Ashyq qyzmetı bizneske pandemiia kezınde jūmys ısteuge, al bızge – süiıktı demalys oryndaryna baryp, ädettegı ömır saltymen ömır süruge mümkındık berdı. Bız atalǧan qyzmet eldegı eŋ tanymal qosymşalarda paida bolady dep uäde bergen edık. Bügın ol Kaspi.kz klientterıne de qoljetımdı boldy. Bız el tūrǧyndary aldyndaǧy jauapkerşılıktı sezınemız jäne biznestı qorǧau men qazaqstandyqtar arasynda virustyŋ taramauyna bar küşımızdı salamyz».Jaŋa qyzmettı paidalanu üşın Kaspi.kz qosymşasynda Kaspi QR-dy aşyp, Ashyq jobasyna qatysatyn nysan, mekemenıŋ kıre berısındegı QR-kodty skanerleu jetkılıktı. Odan keiın smartfon ekranynda qoǧamdyq orynǧa kıru nemese şekteu bary turaly aqparat paida bolady:
- Qauıpsız – şekteu joq, PTR-test terıs;
- Beitarap – PTR-test mındettı oryndardan basqa jerge şekteu joq;
- Virus jūqtyrǧandarmen bailanysy bar – nysandarǧa kıruge jartylai tyiym salynǧan;
- Jūqtyrǧan – qoǧamdyq oryndarǧa kıruge tiym salynady. PSR-test oŋ.
"Adyrna" ūlttyq portaly
Ūqsas jaŋalyqtar
