Kaspi.kz QR ıfrlyq damý, ınnovaııalar jáne aeroǵarysh ónerkásibi mınıstrligimen birlesip jańa jobany iske qosty. Qazaqstandyqtar endi qoǵamdyq oryndarǵa barý úshin Ashyq qyzmetin Kaspi.kz qosymshasynda paıdalana alady.
Kaspi.kz basshysy Mıhaıl Lomtadze bul týraly bylaı dedi: «Biz eldegi eń tanymal sýper-qosymsha Kaspi.kz-ke ınnovaııalyq qyzmetterdi turaqty túrde qosyp otyramyz. Búgin biz barlyq qazaqstandyqtarǵa sport klýbtaryna, basseınderge, kafeler men basqa da qoǵamdyq oryndarǵa barýǵa múmkindik beretin Ashyq qyzmetin Kaspi.kz qosymshasyna qosamyz. Biz memleketpen seriktestikte súıikti klıentterimizge pandemııa kezinde belsendi ómir súrýge, al qazaqstandyq bızneske qaýipsizdik sharttaryn saqtaı otyryp jumys isteýge kómekteskenimizge qýanyshtymyz».
Baǵdat Mýsın, ıfrlyq damý, ınnovaııalar jáne aeroǵarysh ónerkásibi mınıstri:
«Ashyq qyzmeti bızneske pandemııa kezinde jumys isteýge, al bizge – súıikti demalys oryndaryna baryp, ádettegi ómir saltymen ómir súrýge múmkindik berdi. Biz atalǵan qyzmet eldegi eń tanymal qosymshalarda paıda bolady dep ýáde bergen edik. Búgin ol Kaspi.kz klıentterine de qoljetimdi boldy. Biz el turǵyndary aldyndaǵy jaýapkershilikti sezinemiz jáne bıznesti qorǵaý men qazaqstandyqtar arasynda vırýstyń taramaýyna bar kúshimizdi salamyz».
Jańa qyzmetti paıdalaný úshin Kaspi.kz qosymshasynda Kaspi QR-dy ashyp, Ashyq jobasyna qatysatyn nysan, mekemeniń kire berisindegi QR-kodty skanerleý jetkilikti. Odan keıin smartfon ekranynda qoǵamdyq orynǵa kirý nemese shekteý bary týraly aqparat paıda bolady:
- Qaýipsiz – shekteý joq, PTR-test teris;
- Beıtarap – PTR-test mindetti oryndardan basqa jerge shekteý joq;
- Vırýs juqtyrǵandarmen baılanysy bar – nysandarǵa kirýge jartylaı tyıym salynǵan;
- Juqtyrǵan – qoǵamdyq oryndarǵa kirýge tıym salynady. PR-test oń.
Eger kirýge ruqsat berilse, nysan qyzmetkerine ýaqytsha ruqsattamany kórsetip, 5 mınýt ishinde kirý kerek.
Óz statýsyńyzdy kez-kelgen ýaqytta Kaspi.kz qosymshasynda QR-kodty skanerleýsiz teksere alasyz. Ol úshin «Memlekettik qyzmetter – Ashyq. Koronavırýs boıynsha statýs» bólimine kirý kerek.
Joba Kaspi.kz jáne «UAT» AQ aqparattyq júıeleriniń yqpaldasýy nátıjesinde iske qosyldy. Buǵan deıin Kaspi.kz komandasy ıfrlyq damý mınıstrligimen birlesip Kaspi.kz sýper-qosymshasynda JK ashý jáne avtokólikti qaıta tirkeý jobalaryn sátti júzege asyrdy.
"Adyrna" ulttyq portaly
