TÁJIKTALAǴAN...
Qazaq – jappaı vıtamın jetispeýshiligine ushyraǵan ult. Vıtamınder men aǵzaǵa qajetti basqa da mıkroelementterdiń jetispeýshiligi uıatsyzdyqty týdyrady.
Quramy túrli dárýmenderge baı nárli as ishpeıtin halyqta uıat bolmaıdy. Bir sózben aıtqanda, kedeı halyqta ujdan bolmaıdy. Kórip otyrmyz – uzaqqa sozylǵan tán azyǵynyń jetispeýshiligi halyqty jut jylǵy mal sııaqty – yndynsyz, ashkóz qyp jibergen.
Al jan azyǵy – ulttyq rýhanı qorektiń jetispeýshiligi – halyqtyń azǵyndalýy men arsyzdanýyna ákelip soǵady. Mundaı jaǵdaıda ıdeologııalyq haos ornaıdy. Osynaý ıdeologııalyq daǵdarysty retteý úshin memleket rýhanı vakýmdy sheteldik ekspansııalyq qoqystarmen toltyrýǵa tyrasyp keledi. Alaıda tekke aram ter bolýda. Sebebi eshqandaı rýhanı ımport (din, mýzyka, televıdenıe men sahnalardy jaýlap alǵan sheteldik tok shoýlardyń kóshirmeleri t.b.) ulttyq rýhanı qorektiń ornyn toltyra almaıdy. Muny bıliktegi ıdeologııa maıdanyna jaýapty sheneýnikter bilmeıdi. Biletinderi – dármensiz. Sebebi Nazarbaev rejımi ultqa bolsyn degen ustanymmen elge qyzmet etetin, etkisi keletin tulǵalardy (kadrlardy) joıyp jiberdi. Biren-saran bılikte qalǵandary boıyn jasyryp otyr. Óıtkeni abyroı tappaıtynyn, bul úshin tipti jazalanatynyn biledi.
Halyqtyń azyp-tozyp bara jatqandyǵynyń negizgi eki faktory osy. Munyń saldaryn kórýdeı kórip kele jatsyzdar. Keshe taǵy kýá boldyńyzdar.
Osydan keıin "Sanany turmys bıleıdi" – degen K.Marksti áýlıe demeı kór.
Bılik halyqty baqytty etý úshin osy eki azyqqa – jan azyǵy men tán azyǵyna qatar "toıdyrýy" kerek. Sonda 'Qoı ústinde boztorǵaı jumyrtqalaǵan zaman ornamaq". Qarny toq, biraq jany ash halyq ta qaýipti. Sondyqtan bılik – halyqty baqytty hám baqýatty etý úshin onyń jany men tánine qajet osy eki azyqpen tolyq qamtamasyz etýi kerek. Biraq halyqty baqytty etem deýshi bılikti ázirge kórip turǵan joqpyn...
