"Konservatoriia – respublikanyŋ öner salasyndaǧy eŋ beldı, bedeldı bılım ordasy. Kez kelgen adamdy basşylyqqa keldı dep qoşemettep qarsy ala qoiatyn eleusız mekeme emes. Müiızı qaraǧaidai kıl myqtylar şoǧyrlanǧan, talai ūlylardyŋ tabany tigen, A.Jūbanov, Q.Qojamiarov, E.Rahmadiev, Ǧ.Jūbanova, J.Äubäkırova syndy myqtylar basqarǧan kielı de qasiettı şaŋyraq. Aty köpşılıkke beimälım, täjıribesınde memlekettık mekeme basqaryp, qyzmet barysynda öz-özın älı eş jerde däleldep ülgermegen mamannyŋ osy jerge basşylyqqa kele jatqanyn estıgen ūjym ūstazdarynyŋ äbıgerge salynyp dauryǧuy da zaŋdylyq. Ärkım özınıŋ azamattyq pıkırın aşyq bıldıruge de, jariialauǧa da qūqyly. Olarda aiyp joq. Bızge kım kelse de eŋbegı sıŋgen, özın moiyndatqan aty dardai, dūrys basşy kelse eken degen tılek olardıkı", - deidı alaŋdauşylar.Rektordyŋ auysuyn "orynsyz" dep sanaityndar beibereket, sebepsız auys-tüiıs mekemenıŋ damu prosesıne de äser etetının aitady.
"Būryn “Ūlttyq” statusty oqu oryndaryna Rektordy tıkelei QR Prezidentı saraptan ötkızıp, öz Jarlyǧymen taǧaiyndaityn. Ol kezde mūndai sūraqtar tuyndamaityn. N.Aşirov köşeden kelgen kök atty emes! Önerdıŋ öz qazanynda qainap, äbden pısıp jetılgen maman. Köp jyldar är jerde jetekşılık, meŋgeruşılık, basşylyq qyzmetter de atqarǧan. Endeşe, nege osyndai täjıribelı jetekşıge jūmys ısteuge mümkındık berılmei otyr? Konkurstan nege şettetıldı? Ony jyly ornynan qozǧap mūnda nege alyp keldı? Sebep ne? Sūraq köp. Jaŋa Qazaqstan, Ädılettı Qazaqstan qūramyz desek aşyqtyq pen jariialylyq kerek. Kadr ırıkteu, basşylyqqa taǧaiyndau ısterınde Prezident aitqan meritokratiia, iaǧni, eşqandai äleumettık şyǧu tegı men qarjylyq äleuetıne täuelsız, özın ısımen däleldegen täjıribelı mamanǧa mümkındık berıluı kerek. N.Aşirov – QR eŋbek sıŋırgen qairatkerı, QR Memlekettık stipendiia iegerı, Halyqaralyq konkurstardyŋ laureaty, kompozitor, dirijer, küişı. A.Jūbanov atyndaǧy daryndy balalarǧa arnalǧan Respublikalyq muzyka mektebınıŋ direktory (2019-23), Bölım meŋgeruşısı (2012-18), Qūrmanǧazy atyndaǧy Qazaq ūlttyq konservatoriiasynyŋ fakultet dekany (2018-19), N.Tılendiev at. Akademiialyq orkestrdıŋ bas konsertmeisterı (2004-10) siiaqty basşylyq, jetekşılık qyzmette 20 jylǧa juyq täjıribesı bar maman. Köptegen memlekettık ıs şaralardyŋ qatysuşysy, jobalar avtory ärı jetekşısı. G. Tasbergenova – Art-menedjment mamandyǧy boiynşa PhD. “Ruhani qazyna” ofis-ştabynyŋ jetekşısı. Bılıktılıgın bırqatar memlekettık, halyqaralyq jobalardyŋ avtory ärı ūiymdastyruşysy retınde körsetken. Auystyrylyp, ornynan bosap jatqan mekeme basşylary barşylyq, bıraq däl myna jaǧdai “joǧarydaǧylarǧa” oi saluy kerek. Qazır jaǧdai basqa, zaŋ da basqa, zaman da basqa. Täjıribesı men bılıktılıgı ärtürlı ekı mamandy eş sebepsız auystyru, bır-bırıne qarsy qoiu “joǧaryǧa” ne üşın qajet boldy eken? N.Aşirov nesımen jaqpai qaldy?", - dep aşynuda jūrt.Osylaişa Memleket basşysy men Ükımet basşysyna da aşyq hat joldaǧan.
Qūrmettı Qasym-Jomart Kemelūly!
Qūrmanǧazy atyndaǧy Qazaq ūlttyq konservatoriiasy respublikamyzdaǧy käsıbi muzyka mamandaryn daiyndaityn bıregei joǧary oqu orny – jalǧyz konservatoriia. Atalǧan oqu ornynyŋ respublikamyzǧa ǧana emes älemge tanymal talai tülekter şyqqanyn jaqsy bılersız. KSRO halyq artisterı B. Tölegenova, A. Äşımov, Ä. Dınışev, t.b. jäne QR halyq artisterı N.Nüsıpjanov, E. Hasanǧaliev, B. Jylysbaev, R.Jamanova, B. Jamanbaev, S. Orazbaev, K.Kümısbekov, S. Mūhamedjanov, E. Obaev, S.Tynyştyǧūlova, Ä. Esqaliev, Q. Ahmediiarov, A.Qorazbaev, T. Jamanqūlov, Q.Baibosynov, T. Mūhamedjanov, D. Joljaqsynov, T. Temenov, Ǧ. Moldakarimova, T.Şämelov, Ş. Abilov, A. Ülkenbaeva, R.Stamǧaziev, T. Küzembaev, t.b. jüzdegen QR eŋbek sıŋırgen qairatkerlerı, t.b. akademik, doktorlar, professorlar osy şaŋyraqtyŋ tülekterı ärı maqtanyştary. Qazaq elınıŋ muzyka mädenietınıŋ joǧary deŋgeide damuy däl osy konservatoriianyŋ tülekterınıŋ arqasy.
Soŋǧy 5 jyl konservatoriiany basqarǧan Arman Jüdebaevtyŋ jetekşılıgı kezınde halyqaralyq deŋgeide ülken jetıstıkterge jettı. Konservatoriiamyz 75 jyldyq tarihynda alǧaş ret kürdelı jöndeu jūmystaryn jürgızıp, ǧimarattarymyz, auditoriialarymyz jaŋaşa türlenıp, jaŋǧyryp sala berdı. Jemıstı de jeŋıstı jūmystarynyŋ nätijesınde A. Jüdebaev ministrlıkke şaqyrtu alyp, onda da bıraz tūşymdy şarualar atqaruǧa sep boldy. Bıraq belgısız sebeppen osy jyldyŋ aqpan aiynda T. Jürgenov atyndaǧy Qazaq ūlttyq öner akademiiasyna rektorlyqqa auystyryldy.
Al, osy kezeŋde bızdıŋ konservatoriiaǧa Rektormındetın uaqytşa atqaruşy bolyp Nūrken Nūrǧaliūly Äşırov taǧaiyndaldy. N. Äşırov – QR eŋbek sıŋırgen qairatkerı, küişı, kompozitor, dirijer. Asa talantty muzykant, qazaq muzyka mädenietın, äsırese, dombyra aspabyn, küi önerın älemnıŋ ataqty sahnalarynda tanytqan bıregei talant, elımızdıŋ brendı atanǧanbızdıŋ maqtanyşymyz! Onyŋ jas ta bolsa qazaq muzyka mädenietınıŋ damuyna qosqan ülesı orasan zor.
N. Äşırov osy konservatoriiada ūstaz, orkestr dirijerı, fakultet dekany qyzmetterın atqaryp, öz qazanynda qainaǧan, är ıstıŋ män-jaiyna äbden qanyq, ışten şyqqan kadrymyz. Ol osyǧan deiınA. Jūbanov atyndaǧy Respublikalyq daryndy balalarǧa arnalǧan muzyka mektep-internatynyŋ direktory qyzmetın 2019-2023 jyldary joǧary deŋgeide abyroimen atqarǧan öte bılıktı basşy. Onyŋ aldynda da 2003-2010 jyldary N. Tılendiev atyndaǧy AFEO bas konsertmeisterı, solistı, 2010-2018 j.j. A.Jūbanov atyndaǧy Respublikalyq muzyka mektebınıŋ ūstazy ärı bölım meŋgeruşısı, qosymşa 2011-2018 jyldary Jambyl atyndaǧy Qazaq memlekettık filarmoniiasynyŋ solistı qyzmetterın atqarǧan bılıktı maman.
Mädeniet jäne aqparat ministrı Aida Balaeva 2023 jyldyŋ qaraşa aiynda N. Äşırovty konservatoriiaǧa Rektor mındetın uaqytşa atqaruǧa taǧaiyndaǧanda bükıl ūjym bolyp qatty quanǧan edık.
Alaida, osy jyldyŋ Nauryz aiynda osy Mädeniet jäne aqparat ministrlıgı Egemen Qazaqstan gazetınıŋ 13 nauryzdaǧy sanyna rektorlyq qyzmetke konkurs jariialady, konkursqa bır ǧana (!) kandidat – Gauhar Tasbergenovaqatystyrylyp, sol kandidat aldaǧy uaqytta rektor bolyp kelmekşı eken. Alaida osy konkursqa N. Äşırov belgısız sebeptermenqatystyrylmai qalǧan! Ony A. Jūbanov atyndaǧy Respublikalyq daryndy balalarǧa arnalǧan muzyka mektep-internatyna qaitadan direktorlyqqa jıberılıp jatyr degendı estıp jatyrmyz.
Biyl konservatoriiamyzǧa 80 jyl tolyp otyr. Alda josparlanǧan jäne atqarylar şarualar kütıp tūr. Bızge osy kezeŋde tūraqtylyq kerek!
Rektordyŋ auystyrylyp jatqanyn estıp, bızder – konservatoriia ūjymynyŋ bırqatar professorlyq-oqytuşy qūram ünsız qaludy jön körmedık. Jaŋadan taǧaiyndalǧaly otyrǧan G.Tasbergenova da bızdıŋ konservatoriianyŋ tülegı. Byltyr 2023 jyly konservatoriiadan doktorlyq dissertasiia jazyp, Filosofiia doktoryn (PhD) qorǧap şyqty. Kandidat G. Tasbergenovanyŋ keluıne eşqandai qarsylyq bıldırıp otyrǧan joqpyz.
Degenmen, onyŋ ūjym jäne memlekettık mekemenı basqaruda asa täjıribesı joq ekenın eskersek, N. Äşırovtyŋ osy uaqytqa deiın basşylyq qyzmetterde öz ısıne adal, ädıl, talapşyl, jaŋaşyl, bılıktı, ısker, myqty maman retınde äldeqaşan däleldegenın eskersek, būl kadrlyq rotasiia ne üşın qajet boldy eken degen kökeiımızde ülken saual men küdık tuyndap otyr?!
Qūrmettı, Qasym-Jomart Kemelūly! Sızdıŋ ärbır bastamalaryŋyz ben ūsynystaryŋyzdy konservatoriia ūjymy ärdaiym asa qyzyǧuşylyqpen tyŋdap, ärı qoldaidy. Jaŋa Qazaqstan, Ädılettı Qazaqstan qūramyz dep bız de bolaşaqqa zor ümıtpen qadam basyp kelemız. Süiıktı otanymyz bolaşaqta älemnıŋ aldyŋǧy qatarly elderınıŋ qataryna qosylaryna senemız jäne soǧan özımız de bar küş-jıgerımızdı jūmsap, aianbai qyzmet etıp kelemız! Tek keide el men bilık arasyndaǧy osyndai tüsınıspeuşılık, keleŋsızdıksaldary halyqtyŋ, bız siiaqty qarapaiym eldıŋ senımıne selkeu tüsırıp, Sızge, Sız basqarǧan, taǧaiyndaǧan Ükımetke, Ükımet müşelerıne degen senımın joǧaltyp ala ma dep te oilaimyz.
Būl hatty jazudaǧy saualymyz:
Qūrmettı, Qasym-Jomart Kemelūly! Qazaq önerınıŋ muzyka qara şaŋyraǧy, Qūrmanǧazy atyndaǧy Qazaq ūlttyq konservatoriiasy ūjymynyŋ atynan Sızge bızdıŋ mekemenıŋ taǧdyryn tälkekke tüsırmeuge tıkelei nazar audaruyŋyzdy sūraimyz! Elımız ışı daudan, syrty jaudan aman bolsyn!
