- Ükımettık emes ūiymdardy granttyq qarjylandyru salasyndaǧy Operator
«Azamattyq bastamalardy qoldau ortalyǧy» kommersiialyq emes aksionerlık qoǧamy
(būdan ärı – Operator) – Qazaqstan Respublikasy Ükımetınıŋ 2015 jylǧy 31 jeltoqsandaǧy №1192 qaulysyna säikes ükımettık emes ūiymdardy granttyq qarjylandyru salasyndaǧy operator bolyp tabylatyn kommersiialyq emes ūiym.
- Konkurs turaly
Operator Qazaqstan Respublikasy Aqparat jäne qoǧamdyq damu ministrlıgınıŋ tapsyrysy boiynşa 2023 jylǧa arnalǧan ükımettık emes ūiymdarǧa
(būdan ärı – ÜEŪ) memlekettık granttar beruge Konkurs jariialaidy. Konkurs azamattyq bastamalardy qoldau, azamattyq qoǧam instituttarynyŋ äleuetın «Qazaqstan Respublikasyndaǧy memlekettık äleumettık tapsyrys, strategiialyq ärıptestıktı ıske asyruǧa arnalǧan memlekettık tapsyrys, ükımettık emes ūiymdarǧa arnalǧan granttar men syilyqaqylar turaly» Qazaqstan Respublikasynyŋ Zaŋyna
(būdan ärı – Zaŋ), Qazaqstan Respublikasy Aqparat jäne qoǧamdyq damu ministrınıŋ 2022 jylǧy 26 qyrküiektegı № 406 būiryǧymen bekıtılgen Memlekettık granttardy qalyptastyru, beru, monitoringteu jäne olardyŋ tiımdılıgın baǧalau qaǧidalaryna
(būdan ärı – Qaǧidalar) säikes äleumettık salany damytudyŋ özektı mäselelerın şeşuge tartu maqsatynda ötkızıledı.
Granttar beruge Konkurs:
- qysqa merzımdı/orta merzımdı granttar boiynşa bır kezeŋde (konkursqa qatysuǧa ötınımder beru, saraptama komissiiasy müşelerınıŋ ötınımderdı qarauy jäne baǧalauy);
- ūzaq merzımdı granttar boiynşa ekı kezeŋde (konkurstyŋ ekınşı kezeŋınde ötınış beruşıler operator äzırlegen kestege säikes saraptama komissiiasynyŋ aldynda öz ötınımderın ūsynady jäne qorǧaidy) ötkızıledı.
- Ötınımderdı qabyldaudyŋ aiaqtalu künı men uaqyty. Ötınımderdı jıberu qajet poştalyq jäne elektrondyq mekenjailar
Ötınımderdı qaǧaz nemese elektrondyq jetkızgışterde Qazaqstan Respublikasy, 010000, Astana q., Esıl audany, Qabanbai batyr daŋǧyly, 11/5, «Nūrly Orda» BO, 5-qabat, 504/3 kabinetke jäne
grants@cisc.kz elektrondyq poştasyna joldau qajet.
Ötınımderdı poşta bailanysy arqyly jäne (nemese) qolma-qol tapsyrylu kezınde qūjattar tıgıledı jäne ötınış beruşı basşysynyŋ ne onyŋ orynbasarynyŋ mörımen (bar bolsa) jäne qolymen bekıtıledı.
NAZAR AUDARYŊYZ!!!
ÖTINIMDER OPERATORǦA:
- QYSQA MERZIMDI/ORTA MERZIMDI GRANTTAR BOIYNŞA 2023 JYLǦY «12» QAŊTAR MEN «1» AQPAN ARALYǦYNDA ASTANA UAQYTY BOIYNŞA SAǦAT 18:30-ǦA DEIIN;
- ŪZAQ MERZIMDI GRANTTAR BOIYNŞA 2023 JYLǦY «12» QAŊTAR MEN «15» AQPAN ARALYǦYNDA ASTANA UAQYTY BOIYNŞA SAǦAT 18:30-ǦA DEIIN ENGIZILEDI.
KÖRSETILGEN MERZIMDERDEN KEIIN, ONYŊ IŞINDE POŞTA BAILANYSY ARQYLY ENGIZILETIN ÖTINIMDER QARALMAIDY.
Operatordyŋ ötınımderdı qabyldau uaqyty: düisenbı men jūma aralyǧynda Astana q. uaqyty boiynşa saǧat
9.00-den 18.30-ǧa deiın (tüskı üzılıs saǧat 13.00-den 14.30-ǧa deiın).
Konkursqa qatysu üşın ötınım beruşı ötınımdı mynadai täsılderdıŋ bırımen engızedı:
- qaǧaz tasymaldaǧyşta poşta bailanysy arqyly nemese qolma-qol, tıgılgen jäne basşynyŋ ne onyŋ orynbasarynyŋ mörımen jäne qolymen bekıtılgen ötınım jäne memlekettık granttyŋ taŋdalǧan basym baǧyty, ötınış beruşınıŋ atauy men bailanystary körsetılgen ötınımnıŋ qaitalanǧan türı mındettı türde mūraǧattalǧan bıryŋǧai WinRar, WinZip failynda PDF jäne MS Word formatynda grants@cisc.kz elektrondyq poştasyna engızıledı;
- elektrondyq tasymaldaǧyşta mūraǧattalǧan bıryŋǧai WinRar, WinZip failynda PDF jäne MS Word formatynda poşta bailanysy arqyly nemese qolma-qol engızıledı, ötınımnıŋ qaitalanǧan türı mındettı türde granttyŋ taŋdalǧan taqyrybyn, ötınış beruşınıŋ atauyn jäne bailanystaryn körsete otyryp, grants@cisc.kz elektrondyq poştasyna jıberıledı;
- taŋdalǧan grant taqyryby, atauy jäne ötınış beruşınıŋ kontaktılerı körsetılgen mūraǧattalǧan WinRar, WinZip failynda PDF jäne MS Word formatyndaǧy ötınım elektrondyq formatta grants@cisc.kz elektrondyq poştasyna jıberıledı.
- Konkursqa qatysu üşın qajettı qūjattardyŋ tızbesı:
Konkursqa qatysu üşın granttyŋ türıne (qysqa merzımdı/orta merzımdı jäne ūzaq merzımdı) bailanysty ötınış beruşı qabyldau aiaqtalǧan kün men uaqyttan keşıktırmei operatorǧa rastaityn qūjattardy qosa otyryp,
Qaǧidalarǧa 7, 9-qosymşalarǧa säikes nysan boiynşa qazaq nemese orys tılderınde ötınım engızedı:
1) qūryltai qūjattarynyŋ köşırmelerı;
2) ūiymnyŋ soŋǧy eseptı küngı buhgalterlık balansy;
3) tartylatyn serıktesterdıŋ tızbesı jäne körsetılgen serıktesterdıŋ ūsynylatyn äleumettık jobaǧa qatysuǧa kelısımı;
4) ötınış beruşınıŋ jeke salymy nemese äleumettık jobany qarjylandyrudyŋ basqa közderı bolǧan kezde rastaityn qūjattar;
5) ūzaq merzımdı jobalardy ıske asyru üşın qajettı materialdyq-tehnikalyq bazanyŋ boluyn rastaityn qūjattar.
Sonymen qatar, äleumettık jobany saraptama komissiiasy
Qaǧidalarǧa 8 jäne 10-qosymşalarda közdelgen baǧalau kriteriilerı boiynşa baǧalaitynyna nazar audaramyz.
Konkurstyq komissiianyŋ ırıkteu prosesımen jäne qyzmetımen Erejede tolyǧyraq tanysuǧa bolady.
Operatordyŋ qyzmetkerlerı ötınımderdı qabyldaudyŋ barlyq uaqytynda keŋes beredı. Qosymşa aqparat pen tüsınıkteme alu üşın Operatordyŋ memlekettık granttyq qarjylandyru jönındegı jobalyq keŋsesıne
(7172) 79-08-28, (7172) 79-08-04, (7172) 79-08-07 telefondary arqyly habarlasqan jön.
- Operator kelesı jaǧdailarda konkursqa qatysudan bas tartady jäne ötınış beruşıge tiıstı habarlama jıberedı:
1) ötınım osy Qaǧidalardyŋ talaptaryna säikes kelmegen jaǧdaida;
2) ötınım memlekettık granttardyŋ basym baǧyttarynyŋ bekıtılgen tızbesıne säikes kelmegende;
3) ötınış beruşınıŋ jarǧylyq maqsaty memlekettık granttyŋ basym baǧytyna säikes kelmegende;
4)Zaŋnyŋ 6-1-babynyŋ 4-tarmaǧyna säikes Ükımettık emes ūiymdardyŋ derekqorynda ötınış beruşı turaly mälımetter bolmaǧanda;
5) eger ötınış beruşı taratu prosesınde bolsa;
6) eger ötınış beruşı bankrot dep tanylsa;
7) eger ötınış beruşınıŋ atqaruşylyq ıs jürgızu boiynşa bereşegı bar bolsa;
8) eger ötınış beruşı memlekettık satyp aluǧa josyqsyz qatysuşylardyŋ tızılımınde tūrsa;
9) eger ötınış beruşınıŋ mülkıne tyiym salynsa;
10) eger ötınış beruşınıŋ ekonomikalyq qyzmetı toqtatyla tūrǧan bolsa;
11) eger ötınış beruşınıŋ basşylary, qūryltaişylary memlekettık organnyŋ jäne (nemese) operatordyŋ uäkılettı adamdarynyŋ jūbaiy (zaiyby), jaqyn tuystary, jekjattary bolyp tabylsa;
12) eger ötınış beruşınıŋ basşylary, qūryltaişylary terroristık äreketke qatysy bar adamdardyŋ tızımıne, sondai-aq jappai qyryp-joiu qaruyn taratudy qarjylandyrumen bailanysty ūiymdar men adamdardyŋ tızbesıne jäne (nemese) terrorizmdı jäne ekstremizmdı qarjylandyrumen bailanysty ūiymdar men adamdardyŋ tızbesıne engızılgen bolsa.
Ükımettık emes ūiymdarǧa arnalǧan memlekettık granttardyŋ 2023 jylǧa arnalǧan basym baǧyttarynyŋ bekıtılgen tızbesınde közdelgen memlekettık granttyŋ basym baǧyty boiynşa konkurs mynadai sebepterdıŋ bırı boiynşa ötpedı dep tanylady:
1) konkursqa qatysuǧa ūsynylǧan ötınımder bolmaǧanda;
2) konkursqa qatysuǧa ötınımderdıŋ bır de bıreuı jıberılmegende;
3) konkurs qorytyndysy boiynşa jeŋımpazdar bolmaǧanda.
- Basym baǧyttardyŋ bekıtılgen tızbesı
Konkurs Qazaqstan Respublikasy Aqparat jäne qoǧamdyq damu ministrınıŋ m.a.
2022 jylǧy «30» jeltoqsandaǧy № 571 būiryǧymen bekıtılgen Ükımettık emes ūiymdar üşın 2023 jylǧa arnalǧan memlekettık granttardyŋ basym baǧyttarynyŋ tızbesı negızınde ötedı.
Būiryqtyŋ jäne qosymşalarynyŋ köşırmesı Qazaqstan Respublikasy Aqparat jäne qoǧamdyq damu ministrlıgınıŋ
https://www.gov.kz/memleket/entities/akk/documents/details/395539?lang=ru resmi saitynda ornalastyrylǧan.
Qūjattardy
https://cisc.kz/kk/46941-46941.html saitynan köre alasyzdar.
