Foto: Getty Images
Euroodaq köşbasşylary 16 saǧatqa sozylǧan kelıssözder barysynda Ukrainaǧa Europada būǧattalǧan Resei aktivterı esebınen qarjylai qoldau körsetu tetıgı boiynşa ortaq şeşımge kele almady. Soǧan qaramastan, EO Kievke 2026–2027 jyldarǧa arnalǧan 90 mlrd euro kölemındegı qarjylai kömektı maqūldady. Būl turaly VVS jazdy, dep habarlaidy "Adyrna".
Būl qarajat Euroodaq biudjetımen qamtamasyz etıletın qaryz esebınen bölınbek. Būl turaly ūzaq kelıssözderden keiın EO sammitınıŋ töraǧasy Antonio Kosta äleumettık jelılerde habarlady.
Agenttık Reuters tanysqan sammit qorytyndysynyŋ jobasyna säikes, qarjy kapital naryqtarynan qaryz alu arqyly, iaǧni EO biudjetınıŋ kepıldıgımen tartylmaq. Alaida būl qarajattyŋ naqty közderı resmi türde naqtylanǧan joq.
Ukrainany qarjylandyrudyŋ bastapqy jospary Europada būǧattalǧan Reseidıŋ valiutalyq rezervterın paidalanuǧa negızdelgen edı. Josparǧa säikes, Ukraina būl qarajatty nesie retınde alyp, ony Resei soǧys saldarynan kelgen şyǧyn üşın reparasiia tölegennen keiın ǧana öteuı tiıs bolatyn. Qazırgı baǧalaular boiynşa, soǧys saldarynan kelgen jalpy şyǧyn 500 mlrd dollardan asady.
Degenmen, būl bastamaǧa EO-ǧa müşe bırneşe el bırden qarsy şyqty. Proreseişıl ūstanymdaǧy Chehiia, Vengriia jäne Slovakiiamen qatar, İtaliia da kümän bıldırdı. Al negızgı qarsylyqty Belgiia tanytty. Sebebı däl osy elde Europada būǧattalǧan Resei aktivterınıŋ basym bölıgı — 210 mlrd euronyŋ 193 mlrd eurosy saqtauly tūrǧan Euroclear depozitariiı ornalasqan.
Financial Times basylymynyŋ kelıssözderge qatysy bar resmi tūlǧalarǧa sılteme jasap habarlauynşa, Belgiia nesienı qamtamasyz etuge bailanysty barlyq qarjylyq täuekelder üşın auqymdy kepıldıkter talap etken. Būl talaptar özge europalyq köşbasşylar tarapynan qoldau tappaǧan.
Reuters agenttıgıne pıkır bıldırgen europalyq diplomattyŋ aituynşa, būl jaǧdaida EO Ukrainany qūtqaru mäselesınen görı, bastamany qoldaǧan taraptardyŋ saiasi bedelın saqtap qaluǧa köbırek nazar audarǧan.
Osylaişa, Euroodaq Resei aktivterın tıkelei paidalanudan bas tartyp, Ukrainaǧa qarjylai qoldaudy balama mehanizm arqyly jüzege asyruǧa şeşım qabyldady.
