QAZAQSTANǦA SANKSİIа QAUPI ZOR, sondyqtan EAEO kelısım-şart küşın 3-5 jylǧa toqtata tūrǧan jön.
Halyqaralyq OCCRP (Sybailas jemqorlyq pen ūiymdasqan qylmysty zertteu ortalyǧy) jürgızgen tergeu derekterıne qaraǧanda Almaty qalasy Jamaqaev köşesı, 99 adresı boiynşa tırkelgen «Aspan arba» degen kompaniia Niderlandy elınen jüzdegen qytai drondaryn (ūşqyşsyz ūşu apparattaryn) satyp alyp Reseige jöneltıp otyrady eken. Būl drondardy Resei äskerı Ukrainaǧa qarsy soǧysta keŋınen paidalanyp jatqany mälım. Is jüzınde būl - myŋdaǧan mysaldyŋ bırı ǧana.
AQŞ pen Ūlybritaniia bilıgı Ukrainaǧa qarsy basqynşylyq soǧys jürgızıp jatqan Reseige salynǧan sanksiialardy ainalyp ötuıne kömektesıp jatqan Qazaqstandy taiauda ekınşı kezekte salynatyn sanksiialar tızımıne ılıktırıp jıberuı yqtimal. Būl turaly ötkende AQŞ Qarjy ministrınıŋ kömekşısı Elizabet Rozenberg, AQŞ memlekettık departamentınıŋ ökılı Djim Braien myrza da eskertıp ketken. Ūlybritaniianyŋ sanksiialar jönındegı basqarmasynyŋ direktory Devid Rid te aitudai-aq aitty. Bıraq soǧan qaramastan Reseidıŋ yǧyna jyǧylyp, basqynşy memleketke bılıp ıstese de bılmei ıstese de qol ūşyn sozyp jatqandar barşylyq.
Qazır Resei Federasiiasy qaru-jaraǧyn jetıldıruge qajettı tauarlar men komponentterdı alu üşın eksporttyq baqylau men sanksiialardy ainalyp ötetın türlı aila-şarǧylardy barynşa köbeitıp baǧuda. Osyndai jaltarys täsılderınıŋ bırı Reseige üşınşı elder arqyly tauar jetkızu. Solardyŋ qatarynda Qazaqstannyŋ jetekşı orynda körınuı Qazaqstan bilıgıne eş abyroi äpermeidı.
Euraziialyq ekonomikalyq odaq ta Qazaqstandy qarq qylyp tūrǧan joq. Būrynǧysynşa tūsau bolyp tūr. Avtonaryqta älı künge «Avtopromǧa» täueldımız. Resei būrynǧysynşa odaqtyŋ tapqan tabysynyŋ 85 paiyzyn qaqşyp alyp otyr.
«Qazaqstanda ekonomikalyq damudyŋ būralaŋdyǧy men ekonomikany basqarudyŋ tiımsızdıgı import salasynda bızdı EAEO-ǧa täueldı etıp qoidy, – deidı qarjy sarapşysy Rasul Rysmambetov. –Tūtastai alǧanda Qazaqstannyŋ EAEO qūramynda boluy tiımsız!». Aidan Kärıpjanov degen millioner «Ukraina men Resei arasyndaǧy äskeri şielenıs bır jaǧyna şyqqanşa EAEO qatysty kelısım-şarttar jüiesın toqtata tūrǧan jön. Tūtastai alǧanda Qazaqstannyŋ EAEO-qa müşe boluy tiımsız» deidı aşyqtan aşyq.
Endı mıne Reseidıŋ Euraziialyq ekonomikalyq odaq aiasynda barşa tauarlardy taŋbalau turaly talaby qazaqstandyq bizneske eleulı soqqy bolaiyn dep tūr. Markirovkalau arqyly ol öz öktemdıgın nyǧaita tüspek. Resei endı ūiymǧa müşe bes elde taŋba basylmaǧan kiım-keşektı, aiaq kiımderdı, özge de önımderdı satuǧa tyiym salmaq.
Osyndai qiynşylyqtarǧa qosymşa Qazaqstanǧa sanksiialar salynatyn bolsa onda elımızde qolǧa alynyp jatqan reformalar tügel toqtaidy degen söz. Kerı ketpeimız desek, onda Qazaqstan däl osy künderı batyl şeşım qabyldauǧa tiıs. Bırınşıden, tönıp tūrǧan sanksiia qaupı men ekınşıden, ekonomikalyq tiımsızdıgı sebeptı Qazaqstan Euraziialyq ekonomikalyq odaqtaǧy müşelıgın toqtatqany, ol mümkın bolmaǧan jaǧdaida kelısım-şart küşın 3-5 jylǧa toqtata tūrǧany dūrys bolady!
Ūqsas jaŋalyqtar
