Bılım grantyn jeŋıp almaǧandarǧa älı de aqysyz oquǧa tüsuge bolady. Būl turaly Parlament mäjılısınıŋ deputaty Ashat Aimaǧambetov aitty, dep habarlaidy “Adyrna” ūlttyq portaly.
Aita keteiık, 5 tamyz künı Ǧylym jäne joǧary bılım ministrlıgınıŋ resmi saitynda jäne äleumettık jelılerınde 2023-2024 oqu jylyna arnalǧan bılım granty iegerlerınıŋ tızımı jariialandy.
Al joǧary oqu oryndaryna qūjattardy tapsyru 25 tamyzǧa deiın jüzege asyrylady.
Grantty jeŋıp almaǧandarǧa ne ısteuge bolady? Kommentterde jäne jekeme de osyndai sūraq köp qoiylyp jatyr. Sondyqtan qysqaşa öz oiymdy jazaiyn. Bastysy, älı de grantty jeŋıp aluǧa mümkındık bar. Nege? Bırınşıden, igerılmegen bırneşe myŋ grant qaitadan üilestırıledı. Iаǧni grant alǧan talapkerlerden keiın tūrǧan talapkerlerge ŪBT-da jinaǧan ūpai sanyna säikes berıledı. Sony kütuge bolady. Ekınşıden, äkımdıkterdıŋ granttary bar. Bırneşe myŋ grant jergılıktı biudjetten bölınedı. Üşınşıden, "Qazaqstan halqyna" qorynyŋ granttary taǧy bar, - dep jazdy A. Aimaǧambetov äleumettık jelıdegı paraqşasynda.
Ashat Aimaǧambetovtyŋ aituynşa, keibır talapkerler türlı sebep boiynşa jeŋıp alǧan granttarynan bas tartuy mümkın. Olardyŋ sany da az bolmaidy. Būl granttar da qaitadan bölınedı.
Sondai-aq, kolledjge tüsuge bolatynyn jäne onda grant köp ekenın aita kettı.Tıptı eşteŋe bolmasa, universitetke aqyly türde tüsıp, keiın jaqsy oqyp, GPA joǧary bolsa, bılım alu kezınde bosaǧan bos grantty ūtyp aluǧa bolady. Sonymen qatar, "gap year" arqyly bır jyl daiyndalyp, qaitadan ŪBT tapsyryp, grantty jeŋıp alu mümkındıgı bar. Ol menıŋ öz basymnan ötken oqiǧa. Būl da jaqsy şeşım, - dedı deputat.
Kolledjge tüsuge bolady. Kolledjde grant köp, qajet mamandyqtar boiynşa kolledj bıtırgender naryqta tapşy. Kerek bolsa, keiın ärı qarai JOO-ǧa tüsıp, qysqa merzımde joǧary bılım alyp şyǧuǧa da bolady. Körıp otyrǧandaryŋyzdai mümkındıkter öte köp. Bärı alda. Tolyq mälımet alu üşın universitetterdıŋ qabyldau komissiiasyna jolyǧu kerek, - dedı Ashat Aimaǧambetov.
