Qazaqstanǵa keletinder kóbeıip, elden jyraqqa kóshetinder sany azaıǵany habarlandy. Bul jaıdy Ulttyq statıstıka bıýrosyna silteme kórsete otyryp "Adyrna" ulttyq portaly jazady.
2023 jylǵy qańtar men naýryz aralyǵynda elge kóship kelgender sany 7 680 adam, elden qıyr qonyp, shet jaılap ketkender sany 2 664 adam boldy.
Kóshi-qon saldosy - 5 016 adam. 2022 jylǵy tıisti kezeńmen salystyrǵanda Qazaqstanǵa kelgender sany 87% ósken, al ketetinder sany 49,6% azaıdy.
Eldiń negizgi kóshi-qon almasýy TMD memleketteri arasynda júrgen. Sandarǵa qarasaq, mobılızaııa tusynda kóshi-qon aǵymynyń artqanyn kórýge bolady. TMD elderinen kelgenderdiń úlesi 90%, al sonda ketkenderdiń úlesi – 69,5%.
El ishinde kóship kelýshiler sany 10,9% -ǵa ósti. Óńiraralyq kóshi-qon boıynsha elimizdiń 4 óńirinde: Almaty (6 782 adam), Astana (6 443 adam), Shymkent (241 adam) qalalaryndajáne Almaty oblasynda (223 adam)halyqtyń kóshi-qonynyń oń saldosy qalyptasqany málimdeldi.
Elden ketip jatqan qazaqtardyń da úlesi tómendegenin baıqaýǵa bolady. 2023 jyldyń qańtar-naýryz aılarynda 33,2% qazaq kelse, 7,6% qazaq jyraqqa ketken.
"Adyrna" ulttyq portaly
