Almatyda kópqabatty úıden shyqqan órt sóndirildi, dep habarlaıdy "Adyrna" ulttyq portaly.
Almatydaǵy turǵyn úıden shyqqan órt aýyzdyqtaldy. Tótenshe jaǵdaılar mınıstrliginiń baspasóz qyzmetinen habarlaǵandaı, qyzyl jalyn saǵat 18:46 kezinde oqshaýlanyp, sońyra sóndirilgen.
Eske sala otyraıyq, búgin Almatydaǵy 16 qabatty úıde órt tutandy. Saǵat 17:10-da TJD kúsh-quraldary Alataý aýdany, «Aqkent» yqshamaýdanynda ornalasqan 54-shi úıge shuǵyl attanǵan.
Órt sóndirý qyzmeti oqıǵaǵa qatysty bylaı pikir bildirdi:
«Órt sóndirýshiler oqıǵa ornyna 6 mınýtta jetti. Olar 16 qabatty turǵyn úıdiń 5-qabatyndaǵy páter ashyq jalynmen janyp jatqanyn anyqtady. Qazir adamdar evakýaııalanyp jatyr».
Sońǵy derekterge sáıkes, 300-ge jýyq adamnyń evakýaııalanǵany aıtylady. Abyroı bolǵanda qaza tapqandar joq.
Belgili bolǵandaı, órt kabelden shyqqan. Naqtyraq aıtsaq, úıdiń 1 jáne 16 qabatynda elektr kabelderi janǵan.
Áleýmettik jelide órt sóndirýshilerdiń qaltqysyz qyzmetine, qutqarý jumystaryn shapshań oryndaýyna tánti bolǵan jurttyń vıdeosy tarady.
"Adyrna" ulttyq portaly
