Orman órt sóndirý stansalarynyń qyzmetkerlerin órtke qarsy kıimmen qamtamasyz etý úshin úkimet rezervinen 918 mıllıon teńge bólinedi. Bul jóninde tıisti qaýlyǵa premer-mınıstr Álıhan Smaıylov qol qoıdy, dep habarlaıdy “Adyrna” ulttyq portaly.
Qujatqa sáıkes, úkimet rezervinen tabıǵatty qorǵaý jáne orman mekemeleriniń orman órt sóndirý stansalarynyń qyzmetkerlerine órtke qarsy kıim satyp alýǵa 918 mln teńge qarajat bólinedi.
Úkimettiń baspasóz qyzmeti habarlaǵandaı, bul 30 tabıǵatty qorǵaý jáne 16 orman mekemesiniń qyzmetkerlerin mehanıkalyq jaraqattanýdan, gıpotermııanyń, agressıvti suıyq quramdardyń, joǵary temperatýranyń áserinen qorǵaýǵa, jumysshylardy soqqydan saqtaýǵa, sondaı-aq basqa mehanıkalyq áserlerden qosymsha qorǵaý úshin órtke qarsy kıimmen jabdyqtaýǵa múmkindik beredi.
