Söz basynda Mäjılıs Spikerı, «AMANAT» partiiasynyŋ Töraǧasy Erlan Qoşanov deputattardyŋ öŋırlerge sapary kezınde jinalǧan halyqtyŋ barlyq problemalyq mäselesı jüielenıp, ony şeşu üşın Ükımetke joldanatynyn atap öttı. Būl jūmystyŋ qorytyndysy jyl soŋynda Mäjılıstıŋ jalpy otyrystarynyŋ bırınde aşyq qaralady.
Osy oraida, bırqatar deputat Şyǧys Qazaqstan, Aqmola, Pavlodar, Soltüstık Qazaqstan, Abai jäne Jetısu oblystarynyŋ tūrǧyndaryn tolǧandyrǧan eŋ özektı mäselelerdıŋ qatarynda UTC+5 uaqyt formatyna köşu ekenın atap öttı. Kezdesuler barysynda azamattar deputattarǧa däl osy mäselege bailanysty tuyndaǧan qolaisyzdyqtar turaly köp dälel keltırdı – tün ortasynda taŋ atady, ädettegıden äldeqaida erte qaraŋǧy tüsedı. Mūnyŋ bärı adamdardyŋ kündelıktı ömırıne kerı äser etedı.
Būǧan qosa, bastamaşyl azamattar toby osy mäsele boiynşa tiıstı petisiia jariialap, ol qoǧamda qyzu talqyǧa tüstı. Juyrda ötken Mäjılıstıŋ plenarlyq otyrysynda būl mäselenı «AMANAT» fraksiiasynyŋ müşesı, Şyǧys Qazaqstan oblysynan sailanǧan bırmandatty deputat Lūqbek Tumaşinov köterdı. Alaida, Sauda jäne integrasiia ministrınıŋ būl mäsele üş jyldan keiın qaralady degen jauabyn halyq qalaulylary jetkılıksız dep tanydy.
Atalǧan mäsele boiynşa deputattar Lūqbek Tumaşinov, Rinat Zaitov, Iýliia Kuchinskaia, Däulet Mūqaev, Nūrtai Sabilianov, Ashat Aimaǧambetov, Düisenbai Tūrǧanov jäne özge de azamattar pıkır bıldırdı.
Osy taqyryp töŋıregındegı qoǧamdyq ülken rezonansty eskere otyryp, talqylau nätijesınde fraksiia deputattary müddelı memlekettık organdardyŋ, ǧalymdardyŋ, sarapşylardyŋ jäne öŋırlerdegı ökılderdıŋ qatysuymen aldaǧy uaqytta ötetın Mäjılıstıŋ jalpy otyrystarynyŋ bırınde uaqyt beldeuın auystyru mäselesın aşyq qarau turaly şeşım qabyldady. Otyrys qorytyndysy boiynşa naqty ūsynystar äzırlep, ony Ükımetke ūsynu josparlanuda.
