Memleket basşysy Qarjylyq monitoring agenttıgınıŋ töraǧasy Janat Elimanovty qabyldady. Būl turaly Aqorda mälımdedı, dep habarlaidy “Adyrna” ūlttyq portaly.
Janat Elimanov özara baǧalaudyŋ FATF (aqşany jylystatuǧa qarsy kürestıŋ qarjylyq şaralaryn äzırleu toptary) standarttaryna sai sättı ötkenı jönınde mälımdedı.
Qazaqstan aqşany jylystatuǧa qarsy küres jönındegı Aziia-Tynyq mūhity tobynda baqylauşy märtebesıne ie boldy. Ükımet Köleŋkelı ekonomikaǧa qarsy ıs-qimyl jönındegı 2023-2025 jyldarǧa arnalǧan keşendı jospardy bekıtkenın aitty.
Sondai-aq, agenttık qyzmetınıŋ nätijesınde jyl basynan berı 94 milliard teŋge şyǧyn ötelıp, aktivter qaitaryldy, 5 qylmystyq top joiyldy (taǧy 3 ıs jürgızılıp jatyr). Azamattardyŋ densaulyǧyn qorǧau maqsatynda surrogat alkogol öndıretın 12 sehtyŋ qyzmetı toqtatylyp, elımızge qūny 5,3 milliard teŋge bolatyn elektrondy temekı äkeluge jol berılmegen.
Zaŋsyz oiyn biznesıne qarsy ıs-äreketter nätijesınde 11 jasyryn kazino jäne 2 bukmekerlık keŋse taratylǧan, azamattardy alaiaqtyq ıske tartuǧa jol bermeu üşın 22 qarjy piramidasynyŋ qyzmetı toqtatylyp, salymşylarǧa keltırılgen 1,9 milliard teŋge şyǧyn ötelgen. Qarjy piramidalaryn jarnamalaityn 5,3 myŋnan astam sait pen akkaunt būǧattalǧan. 14 oblysta äleumettık maŋyzy bar azyq-tülık önımderınıŋ 14 türı boiynşa baǧa tömendetılgen.
Qasym-Jomart Toqaev biznestı qorǧauǧa, sondai-aq şetelge zaŋsyz qarajat şyǧarudyŋ jäne ūlttyq jobalarǧa bölınetın biudjet qarjysyn jymqyrudyŋ jolyn kesuge baǧyttalǧan bırqatar tapsyrma berdı.
Ūqsas jaŋalyqtar
#Toqaev
Zaŋsyz iemdengen
Qazaqstanǧa qaitaryldy
Qarjylyq monitoring agenttıgınıŋ töraǧasy
94 mlrd teŋge
