«Eger Qozy Kórpesh pen Baıan sulý qosylyp, birge ómir súrse, olar bir-biriniń kózine shóp salyp, yrdý-dyrdý bolar edi», deıdi ánshi Merýert Túsipbaeva. Ol bul týraly Oibay Show jobasyna bergen suqbatynda aıtty.
Ánshiniń pikirinshe, máńgilik mahabbat degen joq.
«Nege Qozy-Kórpesh pen Baıan sulýdy, Qyz Jibek pen Tólegendi jyrlaımyz? Óıtkeni ol marqumdar bir-birimen qosyla almaǵan. Romeo men Djýletta da solaı. Al olar qosylǵanda bir-biriniń kózine shóp salyp, yrdý-dyrdý bop júretin edi. Ǵashyqtardyń bir-birine qoly jetpese – sol mahabbat. Al bir-birin taýyp qosylsa, ómirleri ádemi bolady deısiz be? Joq, mahabbat bes jyl ǵana. Odan soń yrdý-dyrdý, qyrylys, alys-julys, neshe túrli jaǵdaılar bastalady otbasynda», — deıdi ol.
Sóz sońynda Merýert hanym ózine bir jigittiń ǵashyq bop júrgenin de jasyrmady.
«Ol maǵan ǵashyq. Maǵan onysy unaıdy. Al áıel adam óziniń sezimi týraly aıtpaýy kerek, bul sondaı qýlyq», — dep jumbaqtap sóıledi Merýert hanym.
