20 şıldede Ūlttyq qauıpsızdık komitetı prokuraturanyŋ üilestıruımen jemqorlyq jasady degen küdıkpen Şymkent qalasy äkımınıŋ orynbasary Maqsūt İsahovty ūstady, dep habarlaidy “Adyrna” ūlttyq portaly.
Mälımet boiynşa, sotqa deiıngı tergep-tekseru jäne barlyq qajettı jedel tergeu ıs-şaralary jürgızılıp jatyr.
Qylmystyq-prosestık kodekstıŋ 201-babyna säikes, özge aqparat tergeu müddesınde jariia etuge jatpaidy.
Aita keteiık, Maqsūt İsahov 1974 jyly tuǧan. Bılımı joǧary. Mamandyǧy – auyl şaruaşylyǧy öndırısınıŋ ekonomist-ūiymdastyruşysy, zaŋger.
Eŋbek jolyn ışkı ıster basqarmasynan bastaǧan. Bırqatar oblysta keden salasynda, «Qazaqstan temır joly» ūlttyq kompaniiasynda qyzmet atqarǧan.
Sonymen qatar, Şyǧys Qazaqstan oblysy äkımı apparaty basşysynyŋ orynbasary, Şyǧys Qazaqstan oblysynyŋ jolauşylar kölıgı jäne avtomobil joldary basqarmasynyŋ basşysy, Öskemen qalasy äkımınıŋ orynbasary, Qarjy ministrlıgı Memlekettık satyp alu komitetı töraǧasynyŋ orynbasary, Almaty qalasy jolauşylar kölıgı jäne avtomobil joldary basqarmasynyŋ basşysy, atalǧan qalada energetika jäne kommunaldyq şaruaşylyq basqarmasynyŋ basşysy qyzmetterın atqarǧan.
QR Prezidentı äkımşılıgınıŋ memlekettık inspektory bolǧan.
2020 jyldyŋ 7 aqpanynan bastap Şymkent qalasy äkımınıŋ orynbasary qyzmetın atqarǧan.
Ūqsas jaŋalyqtar
