Qaraǵandy oblysynda júk avtokólikterin tirkeý isindegi alaıaqtyq anyqtaldy. Qarjylyq monıtorıng agenttigi sotqa deıingi tergeý júrgizip jatyr, dep habarlaıdy “Adyrna” ulttyq portaly.
«HQKO qyzmetkerleri kólik quralyn tirkeý kezindegi alymdy jáne ýtılızaııa tólemderin tólemeý úshin aqparattyq júıege júk kólikteriniń VIN-kodtary boıynsha jalǵan derekter engizgen», - dedi vedomstvo.
Bas-aıaǵy 33 júk kóligi zańsyz tirkelgen. Sol sebepti memleket bıýdjetine 315 mln teńge shyǵyn kelgen.
Mamandandyrylǵan HQKO burynǵy basshysy men orynbasary qylmystyq shemany uıymdastyrdy degen kúdikke ilindi. Ekeýi de sot sankııasymen qamaýǵa alyndy. Olardyń 42 mln teńge turatyn múlki buǵattaldy.
