Äleumettık jelı arqyly destruktivtı dıni aǧymdardy nasihattaǧan 6 adam ūstaldy. Būl turaly Ūlttyq qauıpsızdık komitetı aitty, dep habarlaidy «Adyrna» tılşısı.
«Biyl qaraşa aiynda Almaty, Aqtöbe, Qonaev jäne Şymkent qalalarynda terrorizmdı, sonyŋ ışınde äleumettık jelıde nasihattady degen küdıkpen destruktivtı dıni aǧymdardyŋ 6 jaqtauşysyn ūstady.Tergeudıŋ boljamy boiynşa, olar dıni negızde şabuyldar men kısı öltıruge şaqyrular taratqan, sonymen qatar zaiyrly tärtıpke qarsy şyqqan»,- delıngen habarlamada.
Tıntu barysynda olardan atys jäne suyq qaru, sondai-aq köptegen dıni ädebietter tärkılengen.
ŪQK sot sanksiiasymen atalǧan tūlǧalardyŋ qamauǧa alynǧanyn mälımdedı.
Aita keteiık, jyl basynan berı ŪQK organdarynyŋ materialdary boiynşa terroristık jäne ekstremistık äreket üşın 83 adam ūstalyp, 97 adam sottalǧan.
