Şymkent qalasyndaǧy Qorǧasyn zauytynan şyqqan tütın tūrǧyndar narazylyǧyn tudyruda, dep jazady "Adyrna".
Qūrsai eldı mekenınde ornalasqan būrynǧy Qorǧasyn zauyty qazır altyn öndırude. Tūrǧyndardyŋ aituynşa, tüngı 2-3 şamasynda qaldyqtardy örtep bastaǧan tütınnen dem alu mümkın emes. Äkımşılıkke eskertpe aitylsa da, qūlaq asyp jatqan eşkım joq deidı Qūrsailyqtar.
"Masqara sasyq iıster şyǧady. Şydau mümkın emes. Kımge aitarymyzdy bılmeimız. İıs jelmen qalaǧa barady. Bızdıŋ şaǧymdy eşkım tyŋdap jatqan joq" deidı tūrǧyndar.
JSDP partiiasynyŋ deputaty Nūrlan Äuesbaev şaǧymdanuşylardyŋ janaiqaiyn tyŋdap Şymkent qalasynyŋ äkımı men Ekologiia ministrlıgıne jaǧdaidy baqylauǧa aludy sūrady.
"Halyqty tütınmen ulap jatqan zauyt kımdıkı ekenın, nelıkten qalanyŋ ortasynda osynşama jūrty ulap jatqanyn, nemen ainalysyp jatqanyn anyqtap, jauap beruın sūraimyn" dedı ol.
Aita keteiık, kei derekterde atalǧan zauyttyŋ biznesmen, oligarh Serıkjan Seitjanovqa tiesılı ekenı aityluda. Seiıtjanovtar otbasy «Oŋtüstık FTPC» kompaniiasyna ielık etedı, ol arqyly «Sauts Oil» JŞS, Smart-Oil būrǧylau kompaniiasy, «MūnaiQūrylysServis qūrylys» JŞS, «Standart Sement» zauyty, «KAS-beton» JŞS, «Aq-Jol TransServis», «Standart» JŞS 51% aksiiasyna ülesker.
Sondai-aq otbasy Rixos Khadisha Shymkent, Rixos Turkestan qonaq üilerı, «Sättı jol» janarmai qūiu stansiialary jelısı, Oŋtüstık Qazaqstan medisinalyq akademiiasy jäne Şymkenttegı İnnovasiialyq-tehnologiialyq kolledjıne ielık etedı.
Ūqsas jaŋalyqtar
