Ä.Smaiylov: Şymkenttıŋ sauda-logistikalyq öŋırlık habqa ainaluǧa mümkındıgı bar

QR Premer-Ministrı Älihan Smaiylov Şymkent qalasyna jūmys saparymen keldı. Sapar aiasynda Memleket basşysy tapsyrmasynyŋ jergılıktı jerde oryndalu barysymen tanysyp, bırqatar nysandardy aralau josparlanǧan. Ükımet basşysy aldymen qaladaǧy zamanaui sauda-logistikalyq ortalyqqa bardy. Qala äkımı M.Äitenov şaharda industriialyq aimaqtardy damytu, sauda-logistikalyq ortalyqty keŋeitu jūmystarynyŋ barysynan habardar ettı. Bügınde Ortalyqtyŋ quattylyǧy jylyna 1 million tonna tauardy qabyldap aluǧa, saqtauǧa jäne jöneltuge mümkındık beredı. Memleket basşysynyŋ tapsyrmasyna säikes, sauda-logistikalyq ortalyqty keŋeitu, oǧan qajettı infraqūrylym jüielerın tartu jürgızılude. 2023-2027 jyldary 136 ga aumaqqa 10 jobany ıske asyru josparlanuda. Ükımet basşysy Şymkent qalasyndaǧy atalǧan sauda-logistikalyq aimaqty keŋeitu arqyly Qazaqstannyŋ bükıl Oŋtüstık öŋırın qamtityn Öŋırlık hab qūrudyŋ mümkındıgı zor ekenın atap öttı.

- İndustriialdy aimaqtardy keŋeitu jaŋa jobalardy ıske asyruǧa mümkındık beredı. Bügınde önerkäsıp önım kölemın arttyru öte maŋyzdy. Sauda-logistikalyq ortalyqty keŋeituge, Şymkent qalasynyŋ öŋırlık habqa ainaluyna barlyq mümkındıgı bar. Ol baǧany tömendetıp, ışkı naryqty tauarlarmen qamtamasyz etu boiynşa ekonomikaǧa oŋ äserın tigızedı. Ükımet tarapynan qandai kömek kerek bolsa, bız qoldauǧa daiynbyz, - dedı Ä.Smaiylov.

Jalpy, bügınde Şymkent qalasynda jaŋadan 4 öndırıstık alaŋ qūru boiynşa belsendı jūmys jürgızılude. Onda jalpy qūny 459 milliard teŋgenı qūraityn 121 investisiialyq joba ıske asyrylady dep josparlanǧan.