Qyrǧyz prezidentı Qazaqstan men Qyrǧyzstandaǧy jemqorlyqty qaǧytty

Qyrǧyzstan prezidentı Sadyr Japarov 17 şıldede Kölık jäne kommunikasiialar ministrlıgıne 265 bırlık tehnika tabystady. Osy saltanatty şarada qyrǧyz basşysy söz söilep, ekı Qazaqstan men Qyrǧyzstan jemqorlary turaly qaǧytpa qaljyŋ da aitty. "Ömırdıŋ özındei" bolǧan qaljyŋ arqyly bıraz mäselenıŋ şetın şyǧardy, dep habarlaidy Adyrna ūlttyq portaly. Qyrǧyzstan prezidentı saltanatty şarada söilegen sözıne jemqorlyq turaly äzıl qosqan. Ol äzıldıŋ bır ūşy Qazaqstandaǧy jemqorlyqqa tiedı.

"Qazaq pen qyrǧyz dos bolyp, Mäskeudegı Jol universitetın tämamdap bıreuı Almatyǧa, ekınşısı Bışkekke keledı. Arada bır jyl öter-ötpesten qazaq qyrǧyz dosyn "şai berıp qoiaiyn" dep şaqyrady. Barsa, ekı qabat üi, alty jüzdık "Mersedes", jaǧdaiy keremet eken. Qyrǧyz qazaq dosynan: "Byltyr ǧana ekeumız student edık. Bır jylda qalai baiyp ketkensıŋ? Maǧan mūnyŋ qūpiiasyn aşpaisyŋ ba?" dep sūraidy. Qazaq dosy ony Almatynyŋ şetıne alyp şyǧyp: "Myna joldy kördıŋ be? Osy joldy men saldym. Şetınen bes santimetr, qalyŋdyǧynan bır sanimetr

Ūqsas jaŋalyqtar

Qyrǧyzstan prezidentı resmi saparmen Qazaqstanǧa keledı

Arystanbektıŋ aqyry. Advokaty qamalyp, äielı küdıkke ılındı

Qyrǧyzstandaǧy apat. Japarov jaǧdaidy zertteu üşın komissiia qūrudy tapsyrdy

ünemdedım. Söitıp baiydym" deidı. Qyrǧyz elıne qaityp, üş aidan keiın qazaq dosyn qonaqqa şaqyrady. Kelse, qyrǧyz qazaq dosynan ekı ese baiyp alǧan. Üş qabat üi, "Gelendvagen", saiajai... Qazaq oǧan "Sen üş ai būryn bır bölmelı päter jaldap tūruşy edıŋ ǧoi" deidı. Söitse qyrǧyz qazaq dosyna Qarabaltaǧa deiıngı jerdı körsetıp "Mūnda jol salynu kerek edı. Men salmai qoidym" deptı.

Prezidenttıŋ astarly būl äzılı jinalǧandardyŋ barlyǧynyŋ jüzıne külkı üiırgenı baiqalady. Esterıŋızge sala keteiık, alty jyldan berı jöndelıp bıtpei jatqan Bışkek - Qarabalta arasyn jalǧaityn 52 şaqyrymdyq tas jol Qyrǧyzstanda jiı synalady. Keibır jöndelgen tūsynyŋ özınde tekseru kezınde sapasyz jöndeu jasalǧany anyqtalyp, qoǧam nazarynda kele jatqan qūrylystyŋ bırı. Jöndeu jūmysy bastalǧannan bergı aralyqta elde bilık auysyp, oǧan qosa jol qūrylysyn jöndeitınder auysyp, Bışkek - Qarabalta joly Qyrǧyzstanda tausylmaityn jyrǧa ainalyp ketkenı mälım.

"Adyrna" ūlttyq portaly