Jylda IT mamandardyń basyn qosyp, jıyn ótkizetin Kolesa Group kompanııasy memlekettik tilde mátin ázirlemegeni úshin daýǵa qalyp otyr, dep habarlaıdy “Adyrna” tilshisi Dalanews.kz.
Áleýmettik jelide atalǵan kompanııadaǵy otyrystyń tek resmı tilde ótkeni belgili bolyp otyr.
Yerzjan J-n esimdi qoldanýshy Kolesa Conf-ty uıymdastyrýshylarǵa osyǵan qatysty eskertý jasaǵan. Azamat eki aradaǵy dıalogty jelige jarııalaǵan da bolyp shyqty.
Onyń aıtýynsha, konferenııanyń saıty túgeldeı oryssha, sharaǵa jaýaptylar anonstiń ózin tek resmı tilde ázirlegen.
Ol qazaq tilinde aqparat suratqan. Uıymdastyrýshylar: “Kolesa Conf orys tilinde ótedi, eldegi IT-aýdıtorııanyń 90 paıyzy orystildi” dep jaýap qatqan. Keıinnen “qolaısyz suraqtar” qoıǵan qoldanýshyny bloktap tastaǵan. Kolesa Group muny “kompanııaǵa kıbershabýyl jasaldy” dep túsindirgen.
“IT salada qazaqtildi mamandardy bólip-jarý aqylǵa sııa ma? Olardy óz tilinde pikir bildirýge múmkindik beretin alańnan alastatyp otyr. Kolesa-nyń operatorlary meniń janaıqaıyma qulaq aspaı, keýdemnen keri ıterýge tyrysty. Olar Mýhorıapovtyń qateliginen sabaq almapty.
