Qaterli qýańshylyq jaıly Óńirlik kommýnıkaııalar qyzmetinde ótken baspasóz konferenııasynda Ertis aýdanynyń ákimi Bolatbek Sháripov aıtty.
"Búginde egin egildi, biraq bıyl qýańshylyqqa baılanysty sýdyń jaǵasynda ornalasqan aýyldarda egin máselesine qatysty jaǵdaı qıyn bolýy múmkin. Qyzyljar, Qaraqudyq, Isa Baızaqov, Severnyı aýyldyq okrýgterinde jaýyn kesh jaýdy, sondyqtan olar qurǵaqshylyqqa tap boldy. Boljam boıynsha, egistik kóleminiń 10-15 myń gektary jaramsyz bolyp qalýy múmkin", - dedi Ertis aýdanynyń ákimi Bolatbek Sháripov.
Ertis aýdany ákiminiń sózinshe, Panfılov, Uzynsý, Qosaǵash, Aǵashoryn, Qoskól, Amangeldi aýyldyq okrýgterinde eki ret ótkinshi jańbyr jaýyp ótkendikten, jaǵdaı birqalypty.
"Dalalyq aýmaqtaǵy aýyldarda astyq ónimdiligi jaqsy bolady. Sebebi bul eldi mekenderde jańbyr jaýyp, qýańshylyqtan aman qaldy. Agronom retinde bıdaı 10-12 entner deńgeıinde turǵanyn kórip turmyn", - dedi Bolatbek Sháripov.
Sondaı-aq Bolatbek Sháripov aýdanda qýańshylyqqa baılanysty tótenshe jaǵdaı rejımin engizý týraly másele joq ekenin aıtty.
"Qýańshylyq máselesi bar ekenin jasyrmaımyn, alaıda tótenshe jaǵdaıdy engizý máselesi kóterilmedi", - dedi aýdan ákimi.
"Adyrna" ulttyq portaly
